പെനല്റ്റി ഗോളാക്കി എംബപെ; പാരഗ്വായെ തകര്ത്ത് ഫ്രാന്സ് ക്വാര്ട്ടറില്
- Sports
- Published on Jul 05, 2026, 05:16 AM IST
France's forward #10 Kylian Mbappe celebrates with teammates after winning the 2026 World Cup round of 16 football match between Paraguay and France at the Philadelphia Stadium in Philadelphia on July 4, 2026. (Photo by MAURO PIMENTEL / AFP)
ലോകകപ്പ് റൗണ്ട് ഓഫ് 16 ല് പാരഗ്വായെ എതിരില്ലാത്ത ഒരു ഗോളിന് ( 1–0) തോല്പ്പിച്ച് ഫ്രാന്സ് ക്വാര്ട്ടറില്. ഫ്രാന്സിന്റെ തുടര്ച്ചയായ നാലാം ക്വാര്ട്ടര് ഫൈനലാണിത്. കളിയുടെ 70–ാം മിനിറ്റിലാണ് എംബപെയുടെ ഗോള് പിറന്നത്. പാരഗ്വായ് താരം ഡീഗോ ഗോമസിന്റെ ഫൗളിന് ലഭിച്ച പെനല്റ്റിയാണ് എംബപെ ഗോളാക്കിയത്. വാര് പരിശോധനയ്ക്കൊടുവിലായിരുന്നു പെനല്റ്റി അനുവദിച്ചത്. ഒര്ലാന്ഡോ ഗില്ലിനെ കാഴ്ചക്കാരനാക്കി എംബപെ പന്ത് വലയിലാക്കി. ഇതോടെ എംബപെയുടെ ലോകകപ്പ് ഗോള് നേട്ടം 19 ആയി ഉയര്ന്നു.
മല്സരത്തിലുടനീളം പന്തടക്കത്തിലും ആക്രമണത്തിലും ഫ്രാന്സ് മികച്ചു നിന്നുവെങ്കിലും പാരഗ്വായുടെ പ്രതിരോധം ഭേദിക്കാനായില്ല. ആദ്യ പകുതിയില് ഗോളിനായി ഫ്രാന്സ് നിരന്തരം ശ്രമിച്ചുവെങ്കിലും ഒര്ലാന്ഡോ ഗില്ലൊരു വന്മതിലായി നിന്നു.
ക്വാര്ട്ടറില് മൊറോക്കോയാകും ഫ്രാന്സിന്റെ എതിരാളികള്. കാനഡയെ 3–0ത്തിന് തകര്ത്താണ് മൊറോക്കോ ക്വാര്ട്ടര് ഫൈനലില് കടന്നത്. 2022 ഖത്തര് ലോകകപ്പിന്റെ സെമി ഫൈനലില് ഫ്രാന്സും മൊറോക്കോയും ഏറ്റുമുട്ടിയിരുന്നു. അന്ന് 2–0ത്തിന് ഫ്രാന്സ് മൊറോക്കോയെ തോല്പ്പിച്ച് ഫൈനലില് കടക്കുകയായിരുന്നു.
ENGLISH SUMMARY:
