ആര്‍ച്ചര്‍ ഇല്ലാതെ ഇംഗ്ലണ്ട്; രണ്ടാം ടെസ്റ്റിനുള്ള ടീമിനെ പ്രഖ്യാപിച്ചു

ഇന്ത്യയ്ക്കെതിരെ ജൂലൈ 2ന് ആരംഭിക്കുന്ന രണ്ടാം ക്രിക്കറ്റ് ടെസ്റ്റിനുള്ള ഇംഗ്ലണ്ട് ടീമിനെ പ്രഖ്യാപിച്ചു. ആദ്യ ടെസ്റ്റിലെ ടീമിനെ നിലനിര്‍ത്തിയാണ് ഇന്ത്യയ്ക്കെതിരെ ഇംഗ്ലണ്ട് ഇറങ്ങുന്നത്. നാലുവര്‍ഷത്തെ നീണ്ട ഇടവേള അവസാനിപ്പിച്ച് ജോഫ്ര ആര്‍ച്ചര്‍ ഇംഗ്ലണ്ട് ടെസ്റ്റ് ടീമിലേക്ക് മടങ്ങിവരുമെന്ന് അഭ്യൂഹങ്ങളുണ്ടായിരുന്നെങ്കിലും. ജോഫ്ര ആര്‍ച്ചര്‍ ഇല്ലാതെയാണ് പ്ലെയിങ് ഇലവനെ പ്രഖ്യാപിച്ചത്. ആര്‍ച്ചറുടെ അഭാവത്തില്‍ ജോഷ് ടങ്, ബ്രൈഡൺ കാർസ്, ക്രിസ് വോക്സ് എന്നിവർ മുൻനിര പേസർമാരായി തുടരും.

ഹെഡിംഗ്ലിയിൽ നടന്ന ആദ്യ ടെസ്റ്റ് മത്സരത്തില്‍ ഇന്ത്യ ഉയര്‍ത്തിയ 371 റണ്‍സ് വിജയലക്ഷ്യം അനായാസമാണ് ഇംഗ്ലണ്ട് അവസാന ദിവസം മറികടന്നത്. അഞ്ച് വിക്കറ്റിന്‍റെ മിന്നുന്ന ജയം ഇംഗ്ലണ്ടിനായി ബെന്‍ ഡക്കറ്റും സാകും ജോ റൂട്ടും ജെയ്മിയും ഒത്തുപിടിച്ച് നേടി. നാലാം ഇന്നിങ്സില്‍ ഇത് രണ്ടാം തവണയാണ് ഇംഗ്ലണ്ട് കൂറ്റന്‍ സ്കോര്‍ പിന്തുടര്‍ന്ന് ജയിക്കുന്നത്. എഡ്ജ്ബാസ്റ്റണിലാണ് രണ്ടാം ടെസ്റ്റ്. 

ഇംഗ്ലണ്ട് പ്ലെയിങ് ഇലവൻ: ബെൻ സ്റ്റോക്സ്, ജെയ്മി സ്മിത്ത്, സാക്ക് ക്രൗളി, ബെൻ ഡക്കറ്റ്, ഒലി പോപ്പ്, ജോ റൂട്ട്, ഹാരി ബ്രൂക്, ക്രിസ് വോക്സ്, ബ്രൈഡന്‍ കാര്‍സ്, ജോഷ് ടങ്, ഷോയബ് ബഷീര്‍.