ജനിച്ച ഉടനെ ഓടയിലേയ്ക്ക് വലിച്ചെറിഞ്ഞ പെൺകുഞ്ഞിനെ മണിക്കൂറുകൾ നീണ്ട പരിശ്രമത്തിനൊടുവിൽ അത്ഭുതകരമായി രക്ഷപ്പെടുത്തി. ദക്ഷിണാഫ്രിക്കയിലെ ഡർബനിലാണ് ദാരുണമായ സംഭവം നടന്നത്. മൂന്ന് ദിവസം പ്രായമായ പെൺകുഞ്ഞിനെ രക്ഷപ്പെടുത്തിയതായി അധികൃതർ സ്ഥിരീകരിക്കുകയും ചെയ്തു.
ഇന്നലെ രാവിലെ വഴിപോക്കരിൽ ഒരാൾ കുഞ്ഞിന്റെ കരച്ചിൽ കേട്ട് നോക്കിയപ്പോഴാണ് പൈപ്പിനുളളിൽ കുടുങ്ങിയ നിലയിൽ കുഞ്ഞിനെ കണ്ടെത്തിയത്. പോലീസും അഗ്നിശമന സേനയും സംയുക്തമായാണ് രക്ഷാപ്രവർത്തനത്തിന് നേതൃത്വം നൽകിയത്.ഡര്‍ബനിലെ ആൽബെർട്ട് ലുതുലി സെൻട്രൽ ഹോസ്പിറ്റലിൽ ചികിത്സയിലാണ് ഇപ്പോൾ കുഞ്ഞ്. കുഞ്ഞിന്റെ ആരോഗ്യനില മെച്ചപ്പെട്ടുവരികയാണെന്നും വേണ്ട ചികിത്സകൾ നടത്തി വരുന്നതായും ഡോക്ടര്‍മാര്‍ അറിയിച്ചു.