കാപ്പി ഓർഡർ ചെയ്ത ഗർഭിണിക്ക് മക്ഡൊണാൾഡ്സ് നൽകിയത് ശുചീകരണ ദ്രാവകം. കാനഡയിലെ ആൽബെർട്ട സ്വദേശിയായ സാറാ ഡൊഗ്ലാസ് എന്ന യുവതിക്കാണ് ദുരനുഭവം.
മകനൊപ്പം ബേസ്ബോൾ ടൂർണമെന്റിൽ പങ്കെടുക്കാൻ പോകുകയായിരുന്നു സാറാ. പോകുംവഴി മക്ഡൊണാൾഡ്സിൽ കയറി കാപ്പി ഓർഡർ ചെയ്തു. ആദ്യ സിപ്പിൽ തന്നെ രുചിവ്യത്യാസം അനുഭവപ്പെട്ട സാറാ വാഷ്റൂമിലേക്ക് ഓടി.
പിന്നീട് പരാതി പറയാനെത്തിയപ്പോഴാണ് കോഫി മെഷീന് സമീപ‌മിരിക്കുന്ന ശുചീകരണ ദ്രാവകങ്ങളും മറ്റും കണ്ടത്. ആൽബെർട്ട ഹെല്‍ത്ത് സർവീസസിലെത്തി യുവതി പ്രാഥമികചികിത്സ തേടി.
പരാതിയെത്തുടർന്ന് മക്ഡൊണാൾഡ്സ് യുവതിയോട് ഔദ്യോഗിക ഖേദപ്രകടനം നടത്തി. നിർഭാഗ്യകരം എന്നാണ് കമ്പനി സംഭവത്തെ വിശേഷിപ്പിച്ചത്.