പ്രിയപ്പെട്ടവരെ ക്രൂരമായി കൊന്നുതള്ളിയ സ്ത്രീകൾ; ഒടുവിൽ ജോളി; കുറിപ്പ്

jolly-kala-06
SHARE

കൂടത്തായി കൊലപാതക പരമ്പരക്ക് പിന്നിൽ ഉറ്റബന്ധുവായ സ്ത്രീയായിരുന്നുവെന്ന് കേരളം നടുക്കത്തോടെയാണ് കേട്ടത്. വ്യക്തമായ തെളിവുകളുടെ അടിസ്ഥാനത്തിൽ അറസ്റ്റിലായ ജോളി ഇപ്പോൾ കോഴിക്കോട് ജില്ലാ ജയിലിലാണ്. 14 വർഷത്തെ ഇടവേളകളിലാണ് കുടുംബത്തിലെ ആറ് പേരെ ജോളി ആസൂത്രിതമായി കൊലപ്പെടുത്തിയത്. 

അരുംകൊലകൾ ചെയ്ത സ്ത്രീകളെക്കുറിച്ചും മാനസികാവസ്ഥയെക്കുറിച്ചും കുറിപ്പ് പങ്കുവെച്ചിരിക്കുകയാണ് കൗൺസിലിങ് സൈക്കോളജിസ്റ്റ് ആയ കല മോഹൻ. ഒരുകാലത്ത് പ്രിയപ്പെട്ടവരായിരുന്നവരെ ക്രൂരമായി കൊന്നുതള്ളിയ സ്ത്രീകളുടെ പട്ടിക നീളുകയാണെന്ന് കുറിപ്പിൽ പറയുന്നു.

കുറിപ്പിന്റെ പൂർണരൂപം: 

ഡോക്ടർ ഓമന, ബിനിതകുമാരി.. സ്ത്രീകൾ ആയ ഇവരൊക്കെ അരുംകൊലകൾ ചെയ്തവർ ആണ്.. അനിയന്റെ ഭാര്യയോടുള്ള ദേഷ്യത്തിൽ അവരുടെ കുഞ്ഞിനെ തലയ്ക്കു അടിച്ചു കൊന്ന സ്ത്രീയെ കണ്ടിട്ടുണ്ട്.. അങ്ങനെ എത്രയോ കേസുകൾ.. കാരണവർ കൊലപാതകത്തിന് പിന്നിലും സ്ത്രീ അല്ലേ.. വ്യക്തിത്വ വൈകല്യത്തിൽ antisocial personality disorder എന്നൊന്നുണ്ടല്ലോ.. IQ കൂടിയ ആളിൽ EQ പ്രശ്നങ്ങൾ ഉണ്ടാകില്ല എന്ന് കരുതരുത്..

ജനിതകം, പിന്നെ അവർ വളരുന്ന ചുറ്റുപാടുകൾ.. വ്യക്തിയുടെ പ്രതികരണരീതി ആണ് അവന്റെ അല്ലേൽ അവളുടെ വ്യക്തിത്വം നിർണ്ണയിക്കുന്നത്.. 

അവിടെ സ്ത്രീ എന്നോ പുരുഷൻ എന്നോ ഇല്ല.. ഇപ്പോൾ ഇതാ മറ്റൊരു സ്ത്രീ കൂടി കൊടുംകുറ്റവാളിയുടെ പട്ടികയിൽ.. !ജോളി എന്ന സ്ത്രീ ആസൂത്രിതമായി നടത്തിയ കൊലപാതകത്തിൽ മറ്റാർക്കൊക്കെ പങ്ക് എന്ന് അറിഞ്ഞാൽ മാത്രം മതി...

ചെറിയ തെറ്റിന് അമിതമായ ശിക്ഷ നൽകുന്ന അച്ഛനമ്മമാർ ഉണ്ട്.. ഒരുപാട് അപകടത്തിൽ എത്തുന്ന മാനസിക തലങ്ങൾ കുട്ടികളിൽ ഉണ്ടാക്കും.. 

ശിക്ഷ നൽകണം, പക്ഷെ ഭീഭത്സവും അപമാനകാരവും ആകരുത്..മകളെ ഉത്തമയായ പെണ്ണാക്കി, വളർത്തിക്കോ.. പക്ഷെ, പച്ചയായ മനസ്സുകൾ ആണ്. കണ്ണടച്ചു ഇരുട്ടാക്കരുത്.. അമിതമായി ശാസിക്കുക, ശിക്ഷിക്കുക എന്നത് പരിഹാരം അല്ല.. പ്രശ്നങ്ങൾ ഉണ്ടെങ്കിൽ കണ്ടെത്തി അത് ഉചിതമായ രീതിയിൽ പരിഹരിക്കാൻ നോക്കണം..

ഓരോ കേസുകളും, ഓ അതൊന്നും നമ്മുടെ വീട്ടില് നടക്കില്ല എന്നുള്ള സമാധാനം എന്നും നിലനിൽക്കണം..എങ്ങനെ ഒരു കുറ്റവാളി ജനിച്ചു എന്ന് ഒറ്റവാക്കിൽ പറയാനാകില്ല.. ബഹുദൂരം പിന്നിലോട്ടു സഞ്ചരിക്കണം..ശാന്തമാണ് പുറമേ..., എന്നാൽ എത്ര ഭീകരമാണ് ഉള്ളിലെ ചിന്ത എന്നത് പലരുടെയും അവസ്ഥ ആണ്..

കൊലപാതകം എന്നതിനേക്കാൾ ഓരോ കൊലയുടെയും രീതികൾ ആണ് വ്യക്തിയിൽ എത്രമാത്രം പ്രശ്നങ്ങൾ ഉണ്ടെന്നു നിര്ണയിക്കേണ്ടത്...

പെട്ടെന്ന് ഉണ്ടാകുന്ന കാരണങ്ങൾ, സ്വന്തം ജീവൻ രക്ഷിക്കാൻ നടത്തുന്ന കൊല ഒക്കെ മറ്റൊരു വശം..അവരൊക്കെ antisocial എന്നുമല്ല ഉദേശിച്ചത്..

സാഹചര്യം, പ്രതികരണരീതി... ഇവ ആണ് സൂക്ഷ്മായി പഠനം നടത്തേണ്ടത്.കുട്ടികളിൽ ബോധവൽക്കരണം നടത്തുമ്പോൾ അതൊക്കെ വിലയിരുത്തൽ നടത്താൻ സാധിക്കും..മാതാപിതാക്കൾ, അദ്ധ്യാപകർ ഇവരുടെ സഹായത്തോടെ മാറ്റങ്ങൾ കൊണ്ട് വരാനും..

MORE IN SPOTLIGHT
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Loading...
Loading...