ചെങ്ങന്നൂർ ∙ ഫെയ്സ്ബുക്കിലൂടെ വീട്ടമ്മയ്ക്കെതിരെ അപകീർത്തികരമായ പരാമർശം നടത്തിയതിനു യുവതിക്കെതിരെ കേസ്. അങ്ങാടിക്കൽ കാഞ്ഞിരംനിൽക്കുന്നതിൽ രമണി രഘുവിന്റെ പരാതിയിന്മേലാണു കാരയ്ക്കാട് സ്വദേശിനി ജയശ്രീ നായർക്കെതിരെ കേസെടുത്തതെന്ന് എസ്ഐ എം.സുധിലാൽ പറഞ്ഞു.
രമണിയുടെ ഫോൺ നമ്പർ ചേർത്ത ശേഷം ചുവടെ, ഈ നമ്പറിൽ നിന്നു വിളിച്ചു പാവപ്പെട്ടവരുടെ ചികിത്സയ്ക്കു സഹായം അഭ്യർഥിച്ചു പണം വാങ്ങി തിരിമറി നടത്തുന്നെന്ന് ആരോപിച്ചു പോസ്റ്റ് ഇട്ട് അപകീർത്തിപ്പെടുത്തിയെന്നാണു പരാതി. ഫെയ്സ്ബുക്ക് കൂട്ടായ്മ വഴിയും പ്രചാരണം നടത്തിയതിനാൽ കേസിൽ കൂടുതൽ പേർക്കെതിരെ നടപടിയുണ്ടാകാൻ സാധ്യതയുണ്ടെന്ന് എസ്ഐ പറഞ്ഞു.