അത്യപൂർവ്വമായ ഒരു പ്രതിഭാസത്തിനാണ് ചൈനയിലെ ചോങ്‌ക്വിൻ സാക്ഷിയായത്. രണ്ടു മുഖവുമായി ജാനസ് അവിടെ പിറന്നു വീണു. രണ്ടു വായകൾ കൊണ്ട് ആ കുഞ്ഞു പൂച്ച മ്യാവൂ കരഞ്ഞു.
രണ്ടു മുഖമുള്ള റോമൻ ദൈവത്തിന്റെ പേരാണ് ജാനസ്. ഇരുമുഖവുമായി പൂച്ചക്കുഞ്ഞു ജനിച്ചതോടെ ഈ പേര് നൽകുകയായിരുന്നു. ജനിതക തകരാറാണ് ജാനസിന് രണ്ടു മുഖമുണ്ടാകാൻ കാരണം. സാധാരണ ഇത്തരമൊരവസ്ഥയിൽ ഗർഭസ്ഥ ശിശുവായിരിക്കുമ്പോഴേ മരിച്ചു പോകും. എന്നാൽ അപൂർവ്വതകളുമായി ജാനസ് ജീവിച്ചു; രണ്ടു ദിവസം!
മനുഷ്യരിലും ഈ പ്രതിഭാസം ഉണ്ടായിട്ടുണ്ട്. ഇന്ത്യയിൽ ജനിച്ച ലാലി സിങാണ് ഇത്തരമൊരവസ്ഥയിൽ കൂടുതൽ കാലം ജീവിച്ചത്. രണ്ടുമാസമായിരുന്നു ലാലിയുടെ വലിയ ചെറിയ ജീവിതം.
×