പ്രമേഹബാധിതര്‍ക്കുള്ള ഇന്‍സുലിന്‍ ബാഗിനെച്ചൊല്ലി മുന്‍ പാക്കിസ്ഥാന്‍ പേസ് ബൗളര്‍ വസിം അക്രമിന് മാഞ്ചസ്റ്റര്‍ വിമാനത്താവളത്തില്‍ കടുത്ത പരിശോധന. അക്രം തന്നെയാണ് താന്‍ അപമാനിതനായതായി പോകുംവിധമുള്ള പരിശോധനയുടെ കാര്യം ട്വിറ്ററിലൂടെ പങ്കുവച്ചത്. ‘വളരെ നിരാശാജനകമായ അനുഭവം. ലോകത്ത് എല്ലായിടത്തും ഞാന്‍ എന്റെ ഇന്‍സുലിന്‍ ബാഗ് കൊണ്ടുപോകാറുണ്ട്. എവിടേയും ഇത്തരം അനുഭവങ്ങള്‍ ഉണ്ടായിട്ടില്ല’. തന്റെ ഇന്‍സുലിന്‍ ബാഗ് മറ്റൊരു പ്ളാസ്റ്റിക് ബാഗിലേക്ക് മാറ്റേണ്ടി വന്നതായും അക്രം കുറിച്ചു. കളിക്കുന്ന കാലം മുതല്‍ക്കേ പ്രമേഹബാധിതനാണ് അക്രം.