മലയാളികള്ക്ക് ഓണാശംസകള് നേര്ന്ന് തമിഴ്നാട് മുഖ്യമന്ത്രി
- Kerala
- Published on Aug 29, 2023, 10:28 AM IST
മലയാളികള്ക്ക് ഓണം ആശംസകളുമായി തമിഴ്നാട് മുഖ്യമന്ത്രി എംകെ സ്റ്റാലിന്. മലയാളത്തിലാണ് സ്റ്റാലിന് ഓണാശംസകള് നേര്ന്നത്. ‘മാവേലിയുടെ നാട് പോലെ ഒരുമയും സമത്വവും വീണ്ടും ഉണ്ടാവണം. എല്ലാവരെയും ഒരു പോലെ കാണുന്ന കേന്ദ്ര സര്ക്കാര് വരണം. നമുക്ക് ഒന്നിച്ച് നില്ക്കാം. പ്രിയപ്പെട്ട മലയാളികള്ക്ക് ഹൃദയം നിറഞ്ഞ ഓണാശംസകള് സ്റ്റാലിന് പറഞ്ഞു. രാഷ്ട്രപതി ദ്രൗപദി മുര്മുവും മലയാളികള്ക്ക് എല്ലാവര്ക്കും ഓണാശംസകള് നേര്ന്നു. കേരളത്തിന്റെ സമ്പന്നമായ സാംസ്കാരിക പൈതൃകത്തിന്റെ പ്രതീകം കൂടിയാണ് ഓണമെന്ന് രാഷ്ട്രപതി സന്ദേശത്തില് പറഞ്ഞു. ജാതി മത വ്യത്യാസങ്ങള് ഇല്ലാതെ എല്ലാവരും ആഘോഷിക്കുന്ന ഓണം സാമൂഹ്യ സൗഹാര്ദ്ദത്തിന്റെ ഉത്സവം കൂടിയാണ്. സാഹോദര്യം പടരാനും പുരോഗതിയിലേക്ക് നയിക്കാനും ഓണാഘോഷം സഹായിക്കട്ടെ എന്നും രാഷ്ട്രപതി ആശംസിച്ചു.