തിരുവനന്തപുരത്തെ തീരദേശ മേഖലകളിൽ ആവേശമുണ്ടാക്കി പ്രതിരോധമന്ത്രി നിർമല സീതാരാമൻെ റോഡ് ഷോ . എൻ ഡി എ സ്ഥാനാർത്ഥി കുമ്മനം രാജശേഖരന് വോട്ടഭ്യർത്ഥിച്ചാണ് നിർമല സീതാരാമൻ തീരദേശത്തെത്തിയത്. ഓഖി കാലത്ത് ദുരിതമനുഭവിച്ചവരുടെ അടുത്തെത്തി നിർമല സീതാരാമൻ നടത്തിയ പ്രസംഗത്തിൻെ ഓർമകൾ കുമ്മനത്തിന് അനുകൂലമാക്കുകയാണ് റോഡ് ഷോയുടെ ലക്ഷ്യം
കുമ്മനത്തിന് ഒപ്പം തുറന്ന ജീപ്പിൽ പൂന്തുറയിലാണ് പ്രതിരോധമന്ത്രി റോഡ് ഷോ നടത്തിയത്. ഓഖിയിൽ ദുരിതബാധിതരുടെ കണ്ണീരൊപ്പി നിർമല സീതാ രാമൻ നടത്തിയ ഇടപെടലുകൾ മൽസ്യമേഖലയിൽ വോട്ടാക്കി മാറ്റുകയാണ് ബിജെപി ലക്ഷ്യം..വേളിമുതൽ വിഴിഞ്ഞം വരെ നിർമല സീതാരാമൻെ റോഡ് ഷോ നിശ്ചയിച്ചിരുന്നെങ്കിലും സമയം വൈകിയതിനാൽ പൂന്തുറക്ക് ശേഷം പ്രതിരോധമന്ത്രി മടങ്ങി. വലിയ ആവേശത്തോടെയാണ് തീരദേശത്തെ പ്രവർത്തകർ നിർമ്മലാ സീതാരാമനെ സ്വീകരിച്ചത്.
തീരദേശ മേഖലയുടെ വോട്ടുകൾ ജയപരാജയങ്ങളെ സ്വാധീനിക്കുമെന്നിരിക്കെ നിർമലയുടെ റോഡ് ഷോ ഗുണകരമാകുമെന്നാണ് ബി.ജെ.പി കണക്കുകൂട്ടൽ