നിലയ്ക്കലിലെ വ്യാപാരസ്ഥാപനങ്ങളിലെ ജീവനക്കാർക്ക് അഗ്നിസുരക്ഷാ പരിശീലനവുമായി അഗ്നിശമനസേന. സുരക്ഷാ മുൻകരുതലെന്ന നിലയിലാണ് പരിശീലനം സംഘടിപ്പിച്ചത്.
ലക്ഷക്കണക്കിന് ഭക്തരെത്തുന്ന മേഖലയിലെ സുരക്ഷാ മുൻകരുതൽ എന്ന നിലയിലാണ് പ്രായോഗിക പരിശീലനം നൽകിയത്. പാചകവാതക സിലിണ്ടറിലെ തീപിടുത്തം മുതൽ വിവിധ തരത്തിലുള്ള തീയണക്കാനുള്ള അഗ്നിശമന ഉപകരണങ്ങളുടെ പ്രവർത്തനരീതി വരെ പരിശീലനത്തിന് ഭാഗമായി ഉണ്ടായിരുന്നു.
എല്ലാ ആഴ്ചയും തുടർപരിശീലനം ഉണ്ടാകുമെന്നും അഗ്നിശമനസേന അറിയിച്ചു.ഹോട്ടലുടമകളും ജീവനക്കാരുമാണ് ആദ്യഘട്ട പരിശീലനത്തിൽ പങ്കെടുത്തത്.