തിരുവനന്തപുരം കോർപ്പറേഷൻ കാലപ്പഴക്കമില്ലാത്ത ലോറികൾ കൂട്ടത്തോടെ ഉപേക്ഷിച്ച് കോടികൾ മുടിപ്പിച്ചു. കണ്ടം ചെയ്യാറായെന്ന പേരിൽ ഉപേക്ഷിച്ചത് പത്ത് വർഷം മാത്രം പഴക്കമുള്ള 15 ലോറികൾ. ഒരു വർഷത്തിലേറെയായി തൈക്കാട് ശ്മശാനത്തിൽ കൂട്ടിയിട്ടിരിക്കുന്ന ലോറികളെല്ലാം തുരുമ്പെടുത്ത് നശിച്ചു. തൈക്കാട് ശാന്തികവാടത്തിൽ ഈ കിടക്കുന്ന ലോറികളെല്ലാം ഉപേക്ഷിക്കാൻ കാരണം കാലപ്പഴക്കമെന്നാണ് തിരുവനന്തപുരം കോർപ്പറേഷൻ പറയുന്നത്. പുത്തൻ എന്ന് പോലും പറയാവുന്ന ലോറികളാണ് കൂട്ടത്തോടെ കാട്ടിൽ കൊണ്ടുതള്ളിയിരിക്കുന്നത്. വാഹനം ഇവിടെ കൊണ്ടിട്ടിട്ട് നാളേറെയായെന്ന് നാട്ടുകാരും സാക്ഷ്യപ്പെടുത്തുന്നു. ഒരു വണ്ടിക്ക് ശരാശരി 20 ലക്ഷം കൂട്ടിയാൽ പോലും വെറുതേ നശിപ്പിച്ചത് 3 കോടി രൂപ. അങ്ങിനെ ശാന്തികവാടമെന്ന ശ്മശാനം കോടിക്കണക്കിന് നികുതിപ്പണത്തിന്റെയും ശവപ്പറമ്പായി മാറി.
×