യോഗാ ഗുരു ബാബാ രാംദേവിനെ അറസ്റ്റ് ചെയ്യണമെന്ന് ആവശ്യപ്പെട്ടുകൊണ്ട് സോഷ്യൽ മീഡിയയിൽ ക്യാമ്പയിൻ തുടങ്ങിയിരിക്കുകയാണ്. #ArrestRamdev ഹാഷ്ടാഗ് സോഷ്യൽമീഡിയയിൽ ട്രെൻ‍ഡിങ്ങായിരിക്കുകയാണ്. ഇപ്പോൾ ഇതിനെല്ലാം മറുപടിയായി രംഗത്തെത്തിയിരിക്കുകയാണ് രാംദേവ്. നിങ്ങളുടെ പിതാവിന് പോലും സ്വാമി രാംദേവിനെ അറസ്റ്റ് ചെയ്യാൻ സാധിക്കില്ലെന്നാണ് ഗുരു പറയുന്നത്.
ഐഎംഎ ബാബാ രാംദേവിനെതിരെ ഇന്നലെ രംഗത്തെത്തിയിരുന്നു. അലോപ്പതി വിവേകശൂന്യമായ ശാസ്ത്രമാണെന്നും ഡ്രഗ്സ് കൺട്രോൾ ജനറൽ ഓഫ് ഇന്ത്യ അംഗീകരിച്ച മരുന്നുകൾ കോവിഡിനെ ചികിത്സിക്കുന്നതിൽ പരാജയമാണെന്നുമായിരുന്നു രാംദേവ് പറഞ്ഞത്. ഇതിനെതിരെയാണ് ഐ.എം.എ രാംദേവിന് ലീഗല്‍ നോട്ടീസ് അയച്ചത്. മാത്രമല്ല മാപ്പു പറയണമെന്ന് ആവശ്യപ്പെടുകയും ചെയ്തു.