രക്ഷാപ്രവർത്തനത്തിന് മേൽനോട്ടം വഹിക്കാനെത്തിയ പൊലീസ് കോൺസ്റ്റബിൾ പാലത്തിൽ നിന്ന് വീണു മരിച്ചു. കോൺസ്റ്റബിൾ ചന്ദ്രശേഖർ ആണ് മരിച്ചത്. സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.
ഞായറാഴ്ച രാവിലെ 9.30 ഓടെയാണ് സംഭവം. തെലങ്കാനയിലെ കരിംനഗർ ടൗണിൽ ലോറി കാറിൽ ഇടിച്ച്, കാർ പാലത്തിൽ നിന്ന് വീണ് ഒരാൾ മരിക്കുകയും ഒരാൾക്ക് പരുക്കേൽക്കുകയും ചെയ്തിരുന്നു. കരിംനഗറിൽ നിന്ന് സിദ്ദിപേട്ട് ജില്ലയിലെ ഗജ്‌വെല്ലിലെ കൊമുരവെല്ലി മല്ലന്ന ക്ഷേത്രത്തിലേക്ക് പോകുകയായിരുന്ന ശ്രീനിവാസയും ഭാര്യ സ്വരൂപയുമാണ് മരിച്ചത്. ഗുരുതരമായി പരുക്കേറ്റ സ്വരൂപയെ സ്വകാര്യ ആശുപത്രിയിൽ പ്രവേശിപ്പിച്ചു.
