യാ​ത്ര​ക്കാ​രു​ടെ എ​ണ്ണ​മേറി; ഇ​ത്തി​ഹാ​ദ് എ​യ​ര്‍വേ​സിന്റെ ലാഭത്തില്‍ കുതിപ്പ്

യാ​ത്ര​ക്കാ​രു​ടെ എ​ണ്ണ​ത്തി​ല്‍ വൻ വർധനവ് രേഖപ്പെടുത്തിയതോടെ ഇ​ത്തി​ഹാ​ദ് എ​യ​ര്‍വേ​സിന്റെ ലാഭം കുതിച്ചുയരുന്നതായി റിപ്പോര്‍ട്ട്.  2023ന്റെ ആ​ദ്യ​പാ​ദ​ത്തി​ല്‍ 5.9 കോ​ടി ദി​ര്‍ഹം മാ​ത്ര​മാ​യി​രു​ന്ന ഇ​ത്തി​ഹാ​ദ് എ​യ​ര്‍വേ​സിന്റെ ലാഭം ഈ വർഷം ആ​ദ്യ​ പാ​ദത്തോടെ 52.6 കോ​ടി ദി​ര്‍ഹ​മായി ഉയർന്നു. കഴിഞ്ഞ വർഷവുമായി തട്ടിച്ച് നോക്കുമ്പോൾ യാ​ത്ര​ക്കാ​രു​ടെ എ​ണ്ണ​ത്തി​ല്‍ 41 ശ​ത​മാ​നം വ​ള​ര്‍ച്ചയാണ് ക​മ്പ​നിക്ക് കൈ​വ​രി​ക്കാനായത്. 2024 ആ​ദ്യ​പാ​ദ​ത്തി​ലെ മൊ​ത്തം ലാ​ഭം കണക്കാക്കിയാൽ, അത് 2023ലെ ​മൊ​ത്തം ലാ​ഭ​ത്തി​ന് തു​ല്യ​മാണ്. 

2023 ആ​ദ്യ​പാ​ദ​ത്തി​ല്‍ ക​മ്പ​നി​യു​ടെ മൊ​ത്തവ​രു​മാ​നം 475.2 കോ​ടി ദി​ര്‍ഹ​മാ​യി​രു​ന്നുവെങ്കിൽ 2024 ആ​ദ്യ​പാ​ദ​ത്തി​ല്‍ ഇ​ത് 573.9 കോ​ടി ദി​ര്‍ഹ​മാ​യാണ് വർധിച്ചത്. കമ്പനിയുടെ മൊ​ത്ത വ​രു​മാ​നത്തിൽ ​98.7 കോ​ടി ദി​ര്‍ഹ​മി​ന്റെ വ​ര്‍ധ​ന​വാണ് ഈ വർഷമുണ്ടായത്. 2023നെ ​അ​പേ​ക്ഷി​ച്ച്  42 ല​ക്ഷം യാ​ത്രക്കാരാണ് 2024 ആ​ദ്യപാ​ദ​ത്തി​ല്‍ ഇ​ത്തി​ഹാ​ദ് എ​യ​ര്‍വേ​സ് വി​മാ​ന​ങ്ങ​ളി​ല്‍ പ​റ​ന്ന​ത്. 

ച​ര​ക്ക് നീ​ക്കം ഉൾപ്പടെയുള്ള മറ്റ് വ​രു​മാ​ന മാർ​ഗങ്ങളിലും ഇ​ത്തി​ഹാ​ദ് ക​ഴി​ഞ്ഞ വ​ര്‍ഷ​ത്തേ​ക്കാ​ള്‍ നേട്ടമുണ്ടാക്കിയിട്ടുണ്ട്. ക​ഴി​ഞ്ഞ​വ​ര്‍ഷം മാ​ര്‍ച്ച് അവസാനമായിരുന്നു റ​മ​ദാ​ന്‍ ആരംഭിച്ചതെന്നും, എന്നാൽ ഈ ​വ​ര്‍ഷം  മാ​ര്‍ച്ച് ആ​ദ്യ മാസം റ​മ​ദാ​ന്‍ വ​ന്ന​തിനാലാണ് വ​രു​മാ​നം കു​തി​ച്ചു​യർന്നതെന്നും ഇ​ത്തി​ഹാ​ദ് എ​യ​ര്‍വേ​സ് സി.​ഇ.​ഒ അ​ന്റ​നോ​ല്‍ഡ് നെ​വ​സ് അഭിപ്രായപ്പെട്ടു. 

2023 അ​വ​സാ​നത്തോടെ ഒ​സാ​ക്ക, കോ​പ​ന്‍ഹേ​ഗ​ന്‍ എ​ന്നി​വി​ട​ങ്ങ​ളി​ലേ​ക്കും 2024ന്റെ തുടക്കത്തിൽ കോ​ഴി​ക്കോ​ട്, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ലേ​ക്കും ഇ​ത്തി​ഹാ​ദ് പു​തി​യ റൂ​ട്ടു​ക​ള്‍ ആരംഭിച്ചിരുന്നു. ഇത് ഇ​ത്തി​ഹാ​ദ് എ​യ​ര്‍വേ​സിന്റെ ലാഭം വർധിക്കുന്നതിൽ നിർണായകമായെന്നാണ് അ​ധി​കൃ​ത​രു​ടെ വിലയിരുത്തൽ. 

Etihad Airways reports record profit