കഠിനാധ്വാനം ചെയ്യുന്ന, ആഴ്ചയിൽ കൂടുതൽ മണിക്കൂർ ജോലി ചെയ്യുന്ന രാജ്യങ്ങളുടെ പട്ടികയിൽ യുഎഇക്ക് മൂന്നാം സ്ഥാനം. രാജ്യത്തെ പകുതിയോളം തൊഴിലാളികൾ ആഴ്ചയിൽ 49 മണിക്കൂറിൽ അധികം ജോലി ചെയ്യുന്നു.
91% തൊഴിലാളികളും ആഴ്ചയിൽ 49 മണിക്കൂറിലേറെ ജോലി ചെയ്യുന്ന മാൾട്ടയാണ് ഒന്നാം സ്ഥാനത്ത്. ഭൂട്ടാൻ, യുഎഇ, ബംഗ്ലദേശ്, കോംഗോ, മൗറീഷ്യസ്‍, ലെസോത്തോ, മാലദ്വീപ്, പാക്കിസ്ഥാൻ, ലബനൻ എന്നിവയാണ് 2 മുതൽ 10 സ്ഥാനങ്ങളിൽ എത്തിയത്. ബിസിനസ് നെയിം ജനറേറ്റർ (ബിഎൻജി) ആണ് പട്ടിക പുറത്തിറക്കിയത്.
ഇസ്രയേൽ, ഓസ്ട്രിയ, നെതർലൻഡ്സ്, ഫ്രാൻസ് തുടങ്ങിയ രാജ്യങ്ങൾ റാങ്കിങ്ങിൽ ഏറ്റവും പിന്നിലാണ്. കുറഞ്ഞ പ്രവൃത്തി ദിവസങ്ങളും കുറഞ്ഞ ഓവർടൈം ജോലിയുമാണ് ഇതിന് കാരണം.
