കുവൈത്തിന്റെ വിവിധ ഭാഗങ്ങളിൽ രാവിലെ നേരിയ ഭൂചലനം അനുഭവപ്പെട്ടു. പത്തുമണിയോടെയാണ് സെക്കൻഡുകൾ നീണ്ട ഭൂചലനമുണ്ടായത്. അഞ്ചേ ദശാംശം ഒൻപതു തീവ്രത രേഖപ്പെടുത്തിയ ഭൂചലനത്തിൻറെ പ്രഭവകേന്ദ്രം കുവൈത്തിൽനിന്ന് ഇരുന്നൂറ്റിഅൻപത്തിയാറു കിലോമീറ്റർ അകലെ പശ്ചിമ ഇറാനിലാണ്. കുവൈത്തിൽ അപകടങ്ങളൊന്നും റിപ്പോർട്ട് ചെയ്യപ്പെട്ടിട്ടില്ലെന്നു നാഷനൽ സീസ്മിക് നെറ്റ്‌വർക്ക് മേധാവി അബ്ദുല്ല അൽ അനേസി അറിയിച്ചു.