വാട്സാപ്പിൽ പുതിയ ചാറ്റിങ് ഫീച്ചർ നിലവിൽ വരുന്നു. അനിമേറ്റഡ് സ്റ്റിക്കറുകളാണ് പുതിയ സവിശേഷത. ഐഒഎസ്, ആൻഡ്രോയ്ഡ്, വെബ് പ്ളാറ്റ് ഫോമുകളിൽ ഇവ ലഭ്യമാകും. സാങ്കേതിക പ്രവർത്തനങ്ങൾ അണിയറയിൽ പുരോഗമിക്കുകയാണെന്നാണ് റിപ്പോർട്ട്. ഇവ ജിഫ് സ്റ്റിക്കറുകളിൽ നിന്നും വ്യത്യസ്തമായിരിക്കുമെന്ന് അധികൃതർ പറയുന്നു.
അനിമേറ്റഡ് സ്റ്റിക്കർ പാക്കുകൾ ഡൗൺലോഡ് ചെയ്തെടുക്കേണ്ടി വരും. ഇവ പ്രിവ്യു, ചാറ്റ് സെക്ഷനുകളിൽ പ്രത്യക്ഷപ്പെടും. പരീക്ഷണ ഘട്ടത്തിലാണ് പുതിയ ഫീച്ചർ. നേരത്തെ ഈ ഫീച്ചർ നടപ്പിലാക്കാൻ ഉദ്ദേശമുണ്ടായിരുന്നെങ്കിലും ചില സാങ്കേതിക കാരണങ്ങളാൽ ഉപേക്ഷിക്കുകയായിരുന്നു. പുതിയ ഫീച്ചർ ഉപഭോക്താക്കൾക്കു എന്നു മുതൽ ലഭ്യമാകുമെന്നു വ്യക്തമല്ല.