വാർത്താ സമ്മേളനത്തിൽ നടത്തിയ പരാമർശത്തിൽ ക്ഷമചോദിച്ച് നടൻ വിനായകന്. തന്റെ ഫെയ്സ്ബുക്ക് പേജിലൂടെയാണ് താരം ക്ഷമ ചോദിച്ചത്. ഒരുത്തി സിനിമയുടെ പ്രചരണാർത്ഥം നടന്ന പത്രസമ്മേളനത്തിനിടെ ചില സംസാരത്തിൽ ഞാൻ ഉദ്ദേശിക്കാത്ത മാനത്തിൽ മാധ്യമ പ്രവർത്തകയായ ഒരു സഹോദരിക്ക് എന്റെ ഭാഷാപ്രയോഗത്തിന്മേൽ [ ഒട്ടും വ്യക്തിപരമായിരുന്നില്ല ] വിഷമം നേരിട്ടതിൽ ഞാൻ ക്ഷമ ചോദിക്കുന്നു- വിനായകൻ കുറിച്ചു. ഒരു സ്ത്രീയുമായി ശാരീരികബന്ധത്തിൽ ഏർപ്പെടണമെന്നു തോന്നിയാൽ താൻ അതു നേരിട്ടു ചോദിക്കുമെന്നും അതിനെയാണു മീ ടൂ എന്നു വിളിക്കുന്നതെങ്കിൽ അതു വീണ്ടും ചെയ്യുമെന്നുമായിരുന്നു വിനായകൻ പറഞ്ഞത്.