കോഴിക്കോട് മലബാര് ക്രിസ്ത്യന് കോളജ് ക്യാംപസില് ഹയര്സെക്കന്ഡറി വിദ്യാര്ഥികള് നടത്തിയ റേസിങ്ങില് നടക്കാവ് പൊലീസ് മൂന്ന് വിദ്യാർത്ഥികൾക്ക് എതിരെ കേസെടുത്തു. യാത്രയയപ്പ് ദിനത്തിലാണ് പ്ലസ് ടു വിദ്യാര്ഥികള് കാറുകളും ബൈക്കുകളുമായി സ്കൂള് അങ്കണത്തില് എത്തിയതും റേസിങ് നടത്തിയതും. റേസിങ്ങിനിടെ കാര് ബൈക്കിലിടിച്ച് അപകടമുണ്ടാകുകയും ചെയ്തിരുന്നു.