സിബിഎസ്ഇ സംസ്ഥാന കലോല്സവത്തില് തുടര്ച്ചയായി രണ്ടാംവട്ടവും മൃദംഗത്തില് ഒന്നാമതെത്തി തൃപ്പൂണിത്തുറ സ്വദേശി വി.ജഗന്നാഥ്. തൃശൂരില് നടന്ന സഹോദയ കലോല്സവം 2026ല് എ ഗ്രേഡോടെയാണ് നേട്ടം. എറണാകുളം എരൂര് ഭവന്സ് വിദ്യാമന്ദിറില് പതിനാന്നാം ക്ലാസ് വിദ്യാര്ഥിയാണ്. വിഖ്യാത സംഗീതജ്ഞന് കാരൈക്കുടി മണിയുടെ ശിഷ്യനും പ്രമുഖ മൃദംഗവാദകനുമായ തൃപ്പൂണിത്തുറ ബി.വിജയന്റെയും സുമ വിജയന്റെയും മകനാണ് ഈ പതിനാറുകാരന്.
2023, 2024, 2026 വര്ഷങ്ങളില് ഭവന്സ് ഫെസ്റ്റിവലിലും ജഗന്നാഥ് ഒന്നാംസ്ഥാനം നേടിയിരുന്നു. ആറാം വയസിലാണ് ജഗന്നാഥ് മൃദംഗം അഭ്യസിക്കാന് തുടങ്ങിയത്. അച്ഛന് തന്നെയാണ് ഗുരു. സ്കൂള് തലത്തില് ഒട്ടേറെ മല്സരങ്ങളില് വിജയിയായിട്ടുണ്ട്. കാരൈക്കുടി മണി ബാണിയിലാണ് ഈ നേട്ടങ്ങളെല്ലാം കൈവരിച്ചത് എന്ന പ്രത്യേകത കൂടിയുണ്ട്.
എറണാകുളത്തെ പ്രധാന സംഗീത സഭകളിലും തൃപ്പൂണിത്തുറ പൂര്ണത്രയീശ ക്ഷേത്രം ഉള്പ്പെടെ പ്രമുഖ ക്ഷേത്രങ്ങളിലും സംഗീതപരിപാടികള് അവതരിപ്പിച്ചു. പൂര്ണത്രയീശ സംഗീതസഭയിലും വൃശ്ചികോല്സവത്തിലും സജീവസാന്നിധ്യമാണ്. നവരാത്രിയില് പഞ്ചരത്ന സംഗീതപരിപാടിയുടെയും ഭാഗമായിരുന്നു.