കാരള്‍ സംഘങ്ങള്‍ തമ്മില്‍ ഏറ്റുമുട്ടല്‍; നിരവധി പേര്‍ക്ക് പരുക്ക്

ക്രിസ്തുമസ് ദിനത്തിൽ ആലപ്പുഴ ചാരുമ്മൂട്ടിൽ കാരള്‍ സംഘങ്ങള്‍ തമ്മില്‍ ഏറ്റുമുട്ടി. സംഘർഷത്തിൽ സ്ത്രീകൾക്കും കുട്ടികൾക്കും അടക്കം പരുക്കേറ്റു.

ഇന്നലെ രാത്രി പതിനൊന്നരയോടെയാണ് സംഭവമുണ്ടായത്. യുവ, ലിബർട്ടി ക്ലബ്ബുകളുടെ നേതൃത്വത്തിലുള്ള കാരള്‍ സംഘങ്ങള്‍ തമ്മിലാണ് അടിപിടിയുണ്ടായത്.

യുവ ക്ലബ്ബിൽ നിന്ന് പിരിഞ്ഞ ഡിവൈഎഫ്ഐ പ്രവർത്തകർ രൂപീകരിച്ച ക്ലബ്‌ ആണ് ലിബർട്ടി ക്ലബ്‌. കുട്ടികൾ ഉൾപ്പടെ പത്തോളം പേർ ആശുപത്രിയിൽ ചികിത്സയിലാണ്.