‘OLX ല് വിറ്റതും ഓഫറുള്ളതും’; സ്വന്തം പോസ്റ്റ് വിനയായി രാഹുല്, വിടാതെ ട്രോളന്മാര്
- Kerala
- Published on Jun 02, 2025, 03:13 PM IST
നിലമ്പൂര് ഉപതിരഞ്ഞെടുപ്പിലേക്ക് എല്ഡിഎഫ് സ്ഥാനാര്ഥിയെ പ്രഖ്യാപിക്കാത്തതില് വൈകിയതിന് പിന്നാലെ പരിഹാസവുമായി യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തില് രംഗത്ത് എത്തിയിരുന്നു. 'പ്രമുഖ പാര്ട്ടിക്ക് സിറ്റിങ് സീറ്റിലേക്ക് സ്ഥാനാര്ഥിയെ അന്വേഷിക്കുന്നു, ചിഹ്നം പ്രശ്നമല്ല' എന്നാണ് രാഹുല് മാങ്കൂട്ടത്തില് ഫെയ്സ്ബുക്കില് കുറിച്ചത്. ഒഎല്എക്സിന്റെ ലോഗോയും പോസ്റ്റിനൊപ്പം രാഹുല് പങ്കുവെച്ചിരുന്നു. ഇപ്പോളിതാ ഇതേ പോസ്റ്റര് തന്നെ രാഹുലിനെ ട്രോളായി വരുകയാണ്.
രാത്രിയില് പിവി അന്വറിനെ കാണാന് പോയതിന്റെ വിഡിയോ പുറത്ത് വന്നതിന് പിന്നാലെ രാഹുല് എയറിലാണ്. പാര്ട്ടിയും രാഹുലിന്റെ നിലപാടിനെ തള്ളിയിരുന്നു. ഇപ്പോഴിതാ കോണ്ഗ്രസില് നിന്ന് ബിജെപിയില് പോയ അനില് ആന്റണി, പത്മജ വേണുഗോപാല്, എന്നിവരുടെ ചിത്രം സോള്ഡായെന്നും , പ്രതിപക്ഷ നേതാവിന്റെ ചിത്രം സ്പെഷ്യല് ഓഫറുണ്ടെന്നും പറഞ്ഞാണ് പോസ്റ്റിട്ടിരിക്കുന്നത്. രാഹുലിന്റെ എഫ്ബി പേജിന്റെ മാതൃകയിലാണ് ട്രോള് ഉണ്ടാക്കിയിരിക്കുന്നത്.
അതേ സമയം രാഹുല് മാങ്കൂട്ടത്തില് പി.വി. അന്വറുമായി നടത്തിയ കൂടിക്കാഴ്ചയില് വിശദീകരണവുമായി കോണ്ഗ്രസ് നേതാവ് രമേശ് ചെന്നിത്തല രംഗത്തെത്തി. രാഹുല് മാങ്കൂട്ടത്തില് ഒരു കുട്ടിയാണെന്നും അദ്ദേഹത്തിന്റെ പ്രവര്ത്തികളെ അത്തരത്തില് കണ്ടാല് മതിയെന്നുമായിരുന്നു രമേശ് ചെന്നിത്തലയുടെ പ്രസ്താവന. പി.വി. അന്വറുമായി ഇനി ചര്ച്ച നടത്തേണ്ടതില്ല എന്നത് കേരളത്തിലെ കോണ്ഗ്രസ് നേതൃത്വം ഒറ്റക്കെട്ടായി എടുത്ത തീരുമാനമാണെന്നും രമേശ് ചെന്നിത്തല പറഞ്ഞു.
ENGLISH SUMMARY:
