ക്രിസ്തുദേവന്‍റെ ചിത്രം മോർഫ് ചെയ്ത് ഇടത് നിരീക്ഷകന്‍; വിവാദമായതോടെ പോസ്റ്റ് മുക്കി

കൃസംഘി ഭവനത്തിലെ പുതിയ കാഴ്ച എന്ന പേരില്‍ ക്രിസ്തുവിന്റെ ചിത്രത്തെ വികൃതമാക്കി അവതരിപ്പിച്ച് ഇടത് നിരീക്ഷകൻ റെജി ലൂക്കോസ്. സുരേഷ് ഗോപിയുടെ ചിത്രം ക്രിസ്തുവിന്‍റെ ചിത്രമാക്കി അവതരിപ്പിച്ചായിരുന്നു റെജി ലൂക്കോസിന്‍റെ പോസ്റ്റ്.

സുയേശു ഈ കുടുംബത്തിന്‍റെ നാഥന്‍ എന്നായിരുന്നു പോസ്റ്റില്‍ കുറിച്ചത്. ക്രിസ്തുവിന്റെ മുഖവുമായി സുരേഷ് ഗോപിയുടെ മുഖം ചേർത്ത ചിത്രമാണ് തൃശ്ശൂരിലെ ബിജെപി വിജയത്തെക്കുറിച്ച്  ഫെയ്സ്ബുക് പോസ്റ്റ് ഇടാൻ റെജി ലൂക്കോസ് ഉപയോഗിച്ചത്.

റെജി ലൂക്കോസിനെതിരെ പരാതിയുമായി സിറോ മലബാര്‍ സഭ പ്രൊലൈഫ് അപ്പോസ്തലേറ്റ് രംഗത്തെത്തിയിരുന്നു.  സംഭവം വിവാദമായതോടെ  റെജി ലൂക്കോസ് പോസ്റ്റ് നീക്കം ചെയ്തിരുന്നു.