'പാഠപുസ്തകത്തില്‍ നിന്ന് മുഗളന്മാരുടെ ചരിത്രം മാറ്റിയെഴുതാനുളള ശ്രമം അപലപനീയം'

പാഠപുസ്തകത്തില്‍ നിന്ന് മുഗളന്മാരുടെ ചരിത്രം മാറ്റിയെഴുതാനുളള ശ്രമം അപലപനീയമെന്ന് നിയമസഭാ സ്പീക്കര്‍ എ. എന്‍. ഷംസീര്‍. രാജ്യത്തെ ഫാഷിസ്റ്റ് വല്‍കരണത്തിന്‍റെ പാതയിലേക്കാണ് കേന്ദ്ര സര്‍ക്കാര്‍ കൊണ്ടുപോകാന്‍ ശ്രമിക്കുന്നതെന്നും ഇതിനെതിരെ എല്ലാവിഭാഗം ജനങ്ങളും പ്രതിഷേധിക്കണമെന്നും ഷംസീര്‍ പറഞ്ഞു. 'മഹിതമായ ചരിത്രമുളള രാജ്യമാണ് ഇന്ത്യ. ആ ചരിത്രത്തില്‍ മുഗളന്മാരുടെ ചരിത്രവും വളരെ പ്രാധാന്യമര്‍ഹിക്കുന്നതാണ്. പക്ഷേ എന്തുകൊണ്ടോ എന്‍സിഇആര്‍ടി പാഠപുസ്തകത്തില്‍ നിന്ന് ഇപ്പോള്‍ മുഗളന്മാരുടെ ചരിത്രം മാറ്റിയെഴുതാന്‍ ശ്രമിച്ചിരിക്കുകയാണ്. ഇത് ചരിത്രത്തെ വക്രീകരിക്കാനുളള ശ്രമമാണ്. അപലപനായവപമാണ്. രാജ്യത്തെ ഫാഷിസ്റ്റ് വല്‍കരണത്തിന്‍റെ പാതയിലേക്കാണ് ഈ കേന്ദ്ര സര്‍ക്കാര്‍ കൊണ്ടുപോകാന്‍ ശ്രമിക്കുന്നത്. അതിനെതിരെ എല്ലാവിഭാഗം ജനങ്ങളുടെയും പ്രതിഷേധം ഉയര്‍ന്നുവരണമെന്ന് അഭ്യര്‍ഥിക്കുന്നു'വെന്നും ഷംസീര്‍ കൂട്ടിച്ചേര്‍ത്തു. അതേസമയം നിലമ്പൂര്‍ ഉപതിരഞ്ഞെടുപ്പിനെ കുറിച്ച് കൂടുതലൊന്നും അറിയില്ലെന്നായിരുന്നു സ്പീക്കര്‍ എ.എന്‍ ഷംസീറിന്‍റെ പ്രതികരണം.