'ഞാന്‍ പെട്ടു, ഇനി എന്ന് വരുമെന്ന് അറിയില്ല'; ട്രക്കിങ്ങിനിടെ മലയാളി പർവതാരോഹക കുടുങ്ങി

നേപ്പാളിലെ ട്രക്കിങ്ങിനിടെ മലയാളി പർവതാരോഹക കുടുങ്ങി. തിരുവല്ല സ്വദേശിയായ സീന സാറ മജ്നുവാണ് കുടുങ്ങിയത്. നേപ്പാളിലെ ലൊബൂച്ചെ പർവതത്തിലാണ് കുടുങ്ങിയത്. തിരികെ ഇറങ്ങിയപ്പോൾ വീണു പോയതാണെന്ന് സീന സമൂഹ മാധ്യമത്തിൽ പങ്കുവച്ച വിഡിയോയിൽ പറയുന്നു. കുടുംബത്തിന്റെ ആവശ്യപ്രകാരം ബിജെപി സംസ്ഥാന ജനറൽ സെക്രട്ടറി അനൂപ് ആന്റണി വിദേശകാര്യ മന്ത്രിയോടും നേപ്പാളിലെ ഇന്ത്യൻ എമ്പസിയോടും ഫോണിൽ സംസാരിച്ചു. കഴിഞ്ഞ 21 നാണ് സീന നേപ്പാളിലേക്ക് പോയത്.

സോഷ്യല്‍ മീഡിയയില്‍ പങ്കുവച്ച വിഡിയോയില്‍ അവശനിലയിലാണ് സീനയെ കാണുന്നത്. ഇറങ്ങിവരുന്ന വഴി താന്‍ വീണെന്നും കൈ അനക്കാനാവുന്നില്ലെന്നും സീന പറഞ്ഞു. ഒപ്പമുണ്ടായിരുന്നയാള്‍ താഴേക്ക് ഇറങ്ങിപ്പോയി, അയാളെ കാണാനില്ല. പെട്ടെന്ന് തോന്നു, ഇനി എന്ന് താഴോട്ട് പോകുമെന്ന് അറിയില്ലെന്നും സാറ പറഞ്ഞു.