സംസ്ഥാനത്ത് മഴ ശക്തം; 10 ജില്ലകളില് വിദ്യാഭ്യാസ സ്ഥാപനങ്ങള്ക്ക് അവധി
- Kerala
- Published on Aug 03, 2026, 09:58 PM IST
- Updated on Aug 03, 2026, 11:32 PM IST
കനത്ത മഴ തുടരുന്ന സാഹചര്യത്തില് സംസ്ഥാനത്ത് 10 ജില്ലകളില് നാളെ വിദ്യഭ്യാസ സ്ഥാപനങ്ങള്ക്ക് അവധി. കാസര്കോട്, തൃശൂര്, കോട്ടയം, കോഴിക്കോട്, മലപ്പുറം, പാലക്കാട്, എറണാകുളം ആലപ്പുഴ, പത്തനംതിട്ട, ഇടുക്കി ജില്ലകളിലാണ് അവധി. പ്രഫഷനല് കോളജുകള്ക്കും ട്യൂഷന് സെന്ററുകള്ക്കും അവധി ബാധകമാണ്. സര്വകലാശാല പരീക്ഷകള്ക്ക് മാറ്റമില്ല.
പാലക്കാട് ജില്ലയിൽ ശക്തമായ മഴ തുടരുന്ന സാഹചര്യത്തിൽ പ്രൊഫഷണൽ കോളേജ് ഉൾപ്പടെയുള്ള വിദ്യാഭ്യാസ സ്ഥാപനങ്ങൾക്ക് ജില്ലാകളക്ടർ അവധി പ്രഖ്യാപിച്ചു. അങ്കണവാടികൾ, മദ്രസകൾ, ട്യൂഷൻ സെൻ്ററുകൾ, കോച്ചിംഗ് ക്ലാസ്സുകൾ, സ്പെഷ്യൽ ക്ലാസ്സുകൾ തുടങ്ങി എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണന്ന് ജില്ലാ കളക്ടർ കെ സുധീർ അറിയിച്ചു
എറണാകുളത്ത് പ്രഫഷനൽ കോളജുകളടക്കം എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധിയാണ്. ട്യൂഷൻ സെന്ററുകൾക്കും അവധി ബാധകമാണ്. ഓറഞ്ച് അലർട്ട് പ്രഖ്യാപിച്ച സാഹചര്യത്തിലാണ് അവധി. കോട്ടയത്ത് നാളെ ഓറഞ്ച് അലർട്ടാണ്. ഒറ്റപ്പെട്ട സ്ഥലങ്ങളിൽ അതിശക്തമായ മഴയ്ക്കുള്ള സാധ്യതയുണ്ട്.
കണ്ണൂര് ജില്ലയില് മൂന്ന് താലൂക്കുകളിലെ വിദ്യാഭ്യാസ സ്ഥാപനങ്ങള്ക്ക് അവധിയാണ്. പയ്യന്നൂര്, ഇരിട്ടി,തളിപ്പറമ്പ് താലൂക്കുകളിലാണ് അവധി. ട്യൂഷന് സെന്ററുകള്, മദ്രസകള് ഉള്പ്പെടെയുള്ളവ അടക്കം എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും. എന്നാല് പ്രഫഷനല് കോളജുകള്ക്ക് അവധി ബാധകമല്ല. വയനാട്ടില് ദുരിതാശ്വാസ ക്യാംപുകളുള്ള സ്കൂളുകള്ക്ക് മാത്രമാണ് അവധി. ഇടുക്കിയിലും ക്യാംപുകളുള്ള സ്ഥാപനങ്ങള്ക്ക് അവധി.
ENGLISH SUMMARY:
