അരൂർ - തുറവൂർ ഉയരപ്പാത മേഖലയിൽ വൻ ഗതാഗത കുരുക്ക്; വാഹനങ്ങള്‍ കുടുങ്ങിക്കിടക്കുന്നു

ആലപ്പുഴ അരൂര്‍– തുറവൂര്‍ ഉയരപ്പാത നിര്‍മാണ മേഖലയില്‍ വന്‍ ഗതാഗതക്കുരുക്ക്. കുമ്പളം ടോള്‍ പ്ലാസ മുതല്‍ അരൂര്‍ ക്ഷേത്രം ജംക്ഷന്‍ വരെ വാഹനങ്ങള്‍ കുടുങ്ങിക്കിടക്കുകയാണ്. പുലര്‍ച്ചെ മുതലാണ് ഗതാഗതക്കുരുക്ക് ആരംഭിച്ചത്. കുരുക്കഴിക്കാന്‍ പൊലീസും സ്ഥലത്തില്ല. ഇന്നലെയും രാവിലെ മുതല്‍ രാത്രി വരെ ഗതാഗതക്കുരുക്ക് രൂക്ഷമായിരുന്നു.