TOPICS COVERED

വന്ദേഭാരതില്‍ ഒരു ടിക്കറ്റ് കിട്ടാന്‍ നെട്ടോട്ടമോടുന്ന യാത്രക്കാര്‍ക്കൊരു സന്തോഷവാര്‍ത്ത.  സീറ്റുകളുടെ എണ്ണം കൂടുകയാണ്. നിലവില്‍ ആലപ്പുഴ വഴിയുളള  തിരുവനന്തപുരം – മംഗളൂരു വന്ദേഭാരതില്‍ എട്ടു കോച്ചുകള്‍ മാത്രമാണുളളത്. ഇത് 16 ആയി ഉയര്‍ത്തും. ഏഴ് ചെയര്‍ കാറുകളും ഒരു എക്സിക്യൂട്ടീവ് ചെയര്‍ കാറുമാണ് കൂടുന്നത്. 16 കോച്ചുകള്‍ വരുന്നതോടെ 530 സീററുകളാണ് വര്‍ധിക്കുന്നത്. നാഗര്‍കോവില്‍ ചെന്നൈ വന്ദേഭാരത് 20 കോച്ചുകളുളള സര്‍വീസായി മാറുകയാണ്. ഈ റൂട്ടിലോടുന്ന ട്രെയിനാണ് കേരളത്തിന് ലഭിക്കുക.22 മുതലാണ് സര്‍വീസ്.

മംഗളൂരു – തിരുവനന്തപുരം വന്ദേഭാരത് രാവിലെ 6.25 ന് പുറപ്പെട്ട് ഉച്ചകഴിഞ്ഞ് 3. 5 നാണ് തിരുവനന്തപുരത്തെത്തുന്നത്. 4. 5 ന് പുറപ്പെട്ട് പുലര്‍ച്ചെ 12. 40ന് മംഗളൂരുവിലെത്തും. നല്ല തിരക്കുളള റൂട്ടില്‍ കോച്ചുകളുടെ എണ്ണം 20 ആയി ഉയര്‍ത്തണമെന്നാണ് യാത്രക്കാരുടെ ആവശ്യം. കോട്ടയം വഴിയുളള വന്ദേഭാരത് ട്രെയിനിന്‍റെ കോച്ചുകളുടെ എണ്ണം 20 ആയി ഉയര്‍ത്തിയിരുന്നു. നിറഞ്ഞോടുകയാണ് ഈ സര്‍വീസ്. ആലപ്പുഴ വഴി 16 കോച്ചുകളും നിറഞ്ഞോടിയാല്‍ വീണ്ടും കോച്ചുകളുടെ എണ്ണം കൂട്ടിയേക്കാം. 

ENGLISH SUMMARY:

Here’s some cheerful news for train travelers who struggle to get tickets on the Vande Bharat Express. The number of coaches on the Thiruvananthapuram–Mangaluru Vande Bharat via Alappuzha will soon double from the current 8 to 16. The new configuration will include 7 additional chair cars and one executive chair car, increasing the seating capacity by 530 seats. This upgraded 16-coach Vande Bharat is the same as the 20-coach Nagercoil–Chennai service, and Kerala is all set to receive this extended version. The enhanced service will begin on the 22nd.

Related Articles