മദ്യനിർമാണശാല അനുമതിയുടെ പേരിൽ വിവാദത്തിലായ പാലക്കാട് എലപ്പുള്ളി പഞ്ചായത്തിൽ സി.പി.എമ്മിൻ്റെ അവിശ്വാസ നീക്കം. അവിശ്വാസം ചർച്ച ചെയ്യണമെന്ന് കാട്ടി സി.പി.എം അംഗങ്ങൾ നോട്ടിസ് നൽകി. 22 അംഗ ഭരണസമിതിയിൽ കോൺഗ്രസ് 9, സി.പി.എം 8, ബി.ജെ.പി 5 എന്നിങ്ങനെയാണ് കക്ഷിനില. സി.പി.എം തരംതാണ രാഷ്ട്രീയം കളിക്കുകയാണെന്നും അവിശ്വാസം പരാജയപ്പെടുമെന്നും പഞ്ചായത്ത് ഭരണസമിതി അംഗങ്ങൾ മനോരമ ന്യൂസിനോട് പറഞ്ഞു.