തിരുവനന്തപുരത്ത് മുഖം മറച്ചെത്തിയ സ്ത്രീ വെടിവച്ചു; യുവതിക്ക് പരുക്ക്

തിരുവനന്തപുരം നഗരത്തിൽ പട്ടാപ്പകലിൽ വീട്ടിൽ കയറി ഗൃഹനാഥയെ വെടിവെയ്ച്ചു. കൈയ്ക്കു  പരുക്കേറ്റ പടിഞ്ഞാറേക്കോട്ട  പോസ്റ്റ് ഓഫിസ് ലെയിനിലെ താമസക്കാരിയും എൻ.എച്ച്.എം ഉദ്യോഗസ്ഥയുമായ ഷിനിയെ ആശുപത്രിയിൽ പ്രവേശിപ്പിച്ചു. മൂന്നു തവണ വെടിവെച്ചെന്നും അക്രമി സത്രീയാണെന്നും ഷിനിയുടെ ഭർതൃ പിതാവ്. പിസ്റ്റളാണോ എയർഗണ്ണാണോയെന്നു തിരിച്ചറിഞ്ഞിട്ടില്ലെന്നു സിറ്റി പൊലീസ് കമ്മിഷണർ ജി.സ്പർജൻ കുമാർ.

തലസ്ഥാന നഗരത്തിലെ ഏറ്റവും പ്രധാനപ്പെട്ട തെരുവുകളിലൊന്നായ പോസ്റ്റ് ഓഫിസ് ലെയിനിൽ അക്രമി എത്തിയത് രാവിലെ എട്ടരയ്ക്ക്'. കൊറിയർ നൽകാനുണ്ടെന്ന വ്യാജേന പങ്കജ് എന്നു പേരുള്ള വീട്ടിലെത്തി ബൽ അമർത്തി. ഷിനിയുടെ ഭർതൃപിതാവ് പുറത്തേക്ക് വന്നെങ്കിലും ഷിനിയെ തന്നെ വേണമെന്നു പറഞ്ഞു. ഷിനി വന്നതിനു പിന്നാലെ വെടിയുതിർക്കുകയായിരുന്നു. അക്രമണ സമയത്ത് ഷിനിയും, മകനും, ഭർതൃപിതാവും, മാതാവുമുണ്ടായിരുന്നു. ഷിനിയുടെ ഭർത്താവ് മാലിയിൽ ഉദ്യോഗസ്ഥനാണ്. സി.സി.ടി.വി കേന്ദ്രീകരിച്ചാണ് അന്വേഷണം. അക്രമി വന്ന വാഹനത്തിന്റെ നമ്പർ വ്യാജമാണെന്നു തിരിച്ചറിഞ്ഞിട്ടുണ്ട്. ഫോറൻസിക് വിദഗ്ദരും വീട്ടിലെത്തി പരിശോധിച്ചു. നഗരമധ്യത്തിൽ പട്ടാപ്പകൽ ഉണ്ടായ വെടിവെയ്പിന്റെ പരിഭ്രാന്തിയിലാണ് നാട്ടുകാർ.