ദുരിതപ്പെയ്ത്ത് തുടരുന്നു ; കാസര്‍കോട്, കണ്ണൂര്‍, വയനാട് ജില്ലകളില്‍ റെഡ് അലര്‍ട്ട്

സംസ്ഥാനത്തെ മഴ മുന്നറിയിപ്പില്‍ മാറ്റം. കാസര്‍കോട്, കണ്ണൂര്‍, വയനാട് ജില്ലകളില്‍ റെഡ് അലര്‍ട്ട്. കണ്ണൂര്‍, കാസര്‍കോട് ജില്ലകളില്‍ 3.4 മീറ്റര്‍വരെ ഉയര്‍ന്ന തിരമാലയ്ക്കും സാധ്യത. വടക്കന്‍ജില്ലകളിലും മധ്യകേരളത്തിലുമാണ് കനത്തമഴ. ഏഴുജില്ലകളില്‍ ഒാറഞ്ച് അലര്‍ട്ട് നല്‍കിയിട്ടുണ്ട്. കോട്ടയം എറണാകുളം, ഇടുക്കി തൃശൂര്‍, പാലക്കാട് , മലപ്പുറം കോഴിക്കോട് ജില്ലകളില്‍ ശക്തമായ മഴ തുടരും. തിരുവനന്തപുരം കൊല്ലം പത്തനംതിട്ട ആലപ്പുഴ ജില്ലകളില്‍ യെലോ അലര്‍ട്ടും നിലവിലുണ്ട്. കാസര്‍കോട് , കണ്ണൂര്‍ജില്ലയുടെ തീരപ്രദേശത്ത് 3.4 മീറ്റര്‍വരെ ഉയരമുള്ള തിരമാലകള്‍ക്കും കടലേറ്റത്തിനും ഇടയുള്ളതിനാല്‍  ജാഗ്രത പാലിക്കണം.

നദികളില്‍ ജലനിരപ്പ് അപകടകരമായി ഉയരുന്നതിനാല്‍ അഞ്ചു നദികളില്‍ കേന്ദ്ര ജലകമ്മിഷന്‍ യെലോ അലര്‍ട്ട് പ്രഖ്യാപിച്ചു. പത്തനംതിട്ടയില്‍ മണിമല , ഇടുക്കിയില്‍ തൊടുപുഴ, തൃശൂരില്‍ കരുവന്നൂരും ഗായത്രിയും, കോഴിക്കട് കുറ്റിയാടി എന്നീ പുഴകളിലാണ് യെലോ അലര്‍ട്ട് പ്രഖ്യാപിച്ചത്. പുഴയോരത്ത്  താമസിക്കുന്നവര്‍ പ്രത്യേകം ശ്രദ്ധിക്കണം. മധ്യ ബംഗാള്‍ ഉള്‍ക്കടലില്‍ന്യൂനമര്‍ദം രൂപമെടുത്തു. ബുധനാഴ്ചവരെ സംസ്ഥാനത്ത് മഴ തുടരും. നാളെ വയനാട് , കോഴിക്കോട് കണ്ണൂര്‍ കാസര്‍കോട് ജില്ലകളില്‍കാലാവസ്ഥാ വകുപ്പ് ഒാറഞ്ച് അലര്‍ട്ട് പ്രഖ്യാപിച്ചിട്ടുണ്ട്.