മകരജ്യോതി; മൂടല്‍ മഞ്ഞില്‍ ദര്‍ശനം നടത്താനാകാതെ ഭക്തര്‍

ഇടുക്കി പുല്ലുമേട്ടിൽ  മകരജ്യോതി ദർശിക്കാനെത്തിയത് 6500 ഓളം അയ്യപ്പ ഭക്തർ. കനത്ത മൂടൽമഞ്ഞ് കാരണം പലർക്കും മകരജ്യോതി ദർശിക്കാനായില്ല. പാഞ്ചാലിമേട്ടിലും, പരുന്തുംപാറയിലും മകരജ്യോതി ദർശനത്തിനെത്തിയതും നിരവധി പേരാണ് 

 

ശരണ മന്ത്രങ്ങൾ ഉരുവിട്ട് മണിക്കൂറുകളാണ് മകരജ്യോതി ദർശനത്തിനായി പുല്ലുമേട്ടിൽ അയ്യപ്പഭക്തർ കാത്തിരുന്നത് .കനത്ത മൂടൽമഞ്ഞിൽ മകരജ്യോതി ദർശിക്കാനാകാതെ മടങ്ങിയവരും നിരവധിയാണ്..

 

ഭക്തജന തിരക്ക് മുന്നിൽ കണ്ട് വിപുലമായ സുരക്ഷാ ക്രമീകരണങ്ങളാണ് ജില്ലാ ഭരണകൂടം ഒരുക്കിയത്. ജില്ലാ കളക്ടർ ഷീബാ ജോർജ്, എറണാകുളം റേഞ്ച് ഡി.ഐ.ജി പുട്ട വിമലാദിത്യ, എന്നിവർ സ്ഥലത്ത് സന്നിഹിതരായിരുന്നു. ഭക്തർക്കായി KSRTC യുടെ 65 ബസുകൾ സർവീസ് നടത്തി. പൊലീസ്, വനം, റവന്യൂ, ഫയർഫോഴ്സ്, ജലസേചനം, കെ.എസ്.ഇ.ബി, ആരോഗ്യ വകുപ്പുകൾ അവശ്യമായ ക്രമീകരണങ്ങൾ  ഒരുക്കി.