അപര്‍ണ അമ്മയോട് പറഞ്ഞു 'ഞാൻ പോകുന്നു' !

 മരിച്ച നിലയിൽ കണ്ടെത്തിയ സീരിയൽ താരം അപർണ നായരുടെ അവസാന സന്ദേശം അമ്മയ്ക്ക്. അമ്മയെ വീഡിയോ കോൾ ചെയ്ത അപർണ ഞാൻ പോകുന്നതായി പറഞ്ഞു. വീട്ടിലെ ചില പ്രശ്നങ്ങൾ പറഞ്ഞ് കരഞ്ഞു. പിന്നീട് ഫോൺ കട്ടാക്കി.. അതിന് ശേഷം അമ്മയ്ക്കെത്തിയ ഫോൺ വിളി അപർണ തൂങ്ങി മരിച്ചെന്നത്.

 

ഇന്നലെ വൈകിട്ട് ആറ് മണിയോടെയാണ് അപർണ അമ്മയെ വിളിക്കുന്നത്. രാത്രി ഏഴരയോടെയാണ് അപർണയെ കരമന കിള്ളിപ്പാലത്തെ സ്വകാര്യ ആശുപത്രിയിൽ എത്തിക്കുന്നത്. വീട്ടിലെ മുറിയിൽ തൂങ്ങി മരിച്ചെന്നാണ് ഭർത്താവ് അറിയിച്ചത്. അപർണയെ ആശുപത്രിയിലെത്തിക്കുമ്പോൾ ഭർത്താവും മകളും കൂടെയുണ്ടായിരുന്നു. ആശുപത്രിയിലെത്തും മുൻപ് മരണം സംഭവിച്ചിരുന്നു.

 

ആത്മഹത്യ എന്നാണ് പൊലിസിന്റെ പ്രാഥമിക നിഗമനം. കുടുംബ പ്രശ്നമാണ് കാരണമെന്നും കരുതുന്നു. 33 കാരിയായ അപർണക്ക് രണ്ട് മക്കളുണ്ട്. കരമനയ്ക്ക് സമീപം തളിയലിലാണ് താമസം.