ബന്ധുക്കൾ മാത്രം; ലളിതമായ ചടങ്ങ്; മുരളീധരന്റെ മകൻ വിവാഹിതനായി

മുൻ മുഖ്യമന്ത്രി കെ.കരുണാകരന്റെ മകനും വടകര എംപിയുമായ കെ.മുരളീധരന്റെ മകൻ വിവാഹിതനായി. ആർഭാടങ്ങളൊന്നുമില്ലാതെ വളരെ ലളിതമായി കോഴിക്കോട് വച്ചായിരുന്നു ശബരിനാഥിന്റേയും സോണിയയുടേയും വിവാഹ ചടങ്ങുകൾ. മുരളീധരൻ തന്നെയാണ് ചിത്രം പങ്കിട്ട് മകന്റെ വിവാഹവാർത്ത പങ്കുവച്ചത്. ‘എന്റെ മകൻ ശബരിനാഥ്ന്റെ വിവാഹമായിരുന്നു ഇന്ന്.സോണിയയാണ് വധു.അടുത്ത ബന്ധുക്കൾ മാത്രം പങ്കെടുത്ത ലളിതമായ ചടങ്ങായിരുന്നു.അതിനാലാണ് ആരെയും ക്ഷണിക്കാൻ കഴിയാതിരുന്നത്.എല്ലാ പ്രിയപ്പെട്ടവരുടെയും സ്നേഹവും പ്രാർത്ഥനയും എന്റെ മകനും മകൾക്കും ഒപ്പം ഉണ്ടാകണം.ശബരിക്കും സോണിയയ്ക്കും വിവാഹ മംഗളാശംസകൾ നേരുന്നു.’ അദ്ദേഹം കുറിച്ചു.