മുൻപ് പലവട്ടം വിവാദത്തിൽപ്പെട്ട പ്ലംജൂഡി റിസോർട്ടിലേക്കുള്ള ടാറിംഗ് നടത്താനുള്ള ശ്രമം ദേവികുളം സബ് കളക്ടർ തടഞ്ഞു. രാത്രിയിൽ പള്ളിവാസൽ പെൻസ്റ്റോക്ക് പൈപ്പിന് സമീപത്ത് പ്രവർത്തിക്കുന്ന പ്ലംജൂഡി റിസോർട്ടിലേക്ക് ടാറിംഗ് നടത്താൻ ഉടമകൾ ശ്രമിച്ചത്. എന്നൽ സംഭവമറിഞ്ഞ ദേവികുളം സബ് കളക്ടർ രേണുരാജ് പ്രവർത്തനങ്ങൾ നിർത്തിവെക്കാൻ ആവശ്യപ്പെട്ടു.
കെ.എസ്.ഇ.ബിയുടെ അനുമതി പ്രകാരമാണ് ടാറിംഗ് പണികൾ നടത്തുന്നതെന്ന് ഉടമകൾ അറിയിച്ചെങ്കിലും രേഖകൾ നൽകാൻ തയ്യറായില്ല. പാറക്കെട്ടുകള് അടര്ന്നുവീണ് അപകടാവസ്ഥയിലായ പള്ളിവാസലിലെ പ്ലംജൂഡി റിസോര്ട്ട് റവന്യൂ വകുപ്പ് അടച്ചിരുന്നു. പിന്നീട് പ്രളയത്തിൽ റിസോർട്ടിന് സമീപത്ത് പാറകൾ വീഴുകയും വിദേശികളടക്കമുള്ളവരെ സൈന്യത്തിന്റെ സഹായത്തോടെ രക്ഷപ്പെടുത്തുകയും ചെയ്തിരുന്നു.