നവരാത്രിക്ക് നിറം പകര്‍ന്ന് 48 അടി ഉയരമുള്ള 'ഭീമൻ' ബൊമ്മക്കൊല്ലു ചെന്നൈയിൽ; റെക്കോർഡ് നേട്ടത്തിലേക്ക്
- India
- Published on Oct 18, 2026, 01:24 PM IST
നവരാത്രി ആഘോഷങ്ങളുടെ വൈബിലാണ് ചെന്നൈ. ഇത്തവണ പെരമ്പൂരിലെ ഭീമൻ കൊലു ആണ് ആഘോഷങ്ങളുടെ മുഖ്യ ആകർഷണം. റെക്കോർഡുകളിൽ ഇടം നേടാൻ നിർമിച്ച 48 അടി ഉയരമുള്ള ബൊമ്മക്കൊല്ലു കാണാൻ ആളുകളുടെ വലിയ തിരക്കാണ്.
പെരമ്പൂരിലെ എസ്‌പിആർ സിറ്റിയിലാണ് ഈ വമ്പൻ ബൊമ്മക്കൊല്ലു. 48 അടി ഉയരത്തിൽ 4500 പാവകൾ കൊണ്ടാണ് കൊലു ഒരുക്കിയിരിക്കുന്നത്. 22 നിരകളിലായാണ് പാവകൾ ക്രമീകരിച്ചിരിക്കുന്നത്. ഭീമൻ കൊലു കാണാൻ കാഴ്ചക്കാരുമേറെയാണ്. വേൾഡ് ബുക്ക് ഓഫ് റെക്കോർഡ്‌സിൽ ഇടം പിടിക്കാൻ കൂടിയാണ് ഇത്രയും വലിയ കൊലു നിർമിച്ചിരിക്കുന്നത്. രാജ്യത്തെ തന്നെ ഏറ്റവും വലിയ ബൊമ്മക്കൊല്ലുവാണിതെന്ന് സംഘാടകർ പറയുന്നു.
ഒക്ടോബർ 11 മുതൽ 20 വരെയാണ് കൊലു പ്രദർശനം. ആളുകൾക്ക് പ്രവേശനം സൗജന്യമാണ്. നവരാത്രിയോട് അനുബന്ധിച്ച് നഗരിയിൽ പ്രത്യേക കലാപരിപാടികളും നടക്കുന്നുണ്ട്.
ENGLISH SUMMARY:
