ചതുരപ്പെട്ടികളില്‍ നിന്നൊഴുകിയെത്തിയ പാട്ടുകള്‍; കാലം മാറിയിട്ടും കാസറ്റുകളെ വിടാതെ സുനില്‍

കാസറ്റുകൾ എന്നും ഗൃഹതുരത്വം ഉണർത്തുന്ന ഓർമയാണ്. പുതിയ സിനിമ ഗാനങ്ങളുടെയും ആൽബങ്ങളുടെയും കാസറ്റുകൾ പുറത്തിറങ്ങുന്നതിനായി കാത്തിരുന്നൊരു കാലമുണ്ട്. പുതിയ സാങ്കേതിക വിദ്യകളുടെ വരവോടെ എല്ലാവരും ഒഴിവാക്കിയ കാസറ്റുകൾ ഹൃദയത്തോട് ചേർത്ത് വയ്ക്കുകയാണ് വണ്ണപ്പുറം സ്വദേശി സുനിൽ. 

 

ഈ കാലത്തെ കുട്ടികളെ ഈ കാസറ്റുകൾ കാണിച്ചാൽ അവർക്കിതൊരു കളിപ്പാട്ടമായി തോന്നിയേക്കാം. അത്രകണ്ട് അപരിചിതമാണ് പുതിയ തലമുറയ്ക്കിവ. എന്നാൽ കാസറ്റ് കൂട്ടങ്ങൾ സംഗീത നിധി ശേഖരങ്ങളായിരുന്നൊരു കാലമുണ്ട്. കൂടുതൽ കാസറ്റുകൾ കൈവശമുണ്ടായിരുന്നവരുടെ പത്രാസൊന്ന് വേറെയായിരുന്നു. ഈ ചെറു ചതുരപ്പെട്ടികളിൽ ഒളിഞ്ഞിരിക്കുന്ന സംഗീതത്തെ വണ്ണപ്പുറം സ്വദേശി സുനിൽ കൂടെ കൂട്ടിയിട്ട്  മൂന്നുപതിറ്റാണ്ടായി. അച്ഛന്റെ ഹൃദയത്തിലും വിരലുകളിമൂറിയ സംഗീതമാണ് സുനിലിലേക്കെത്തിയത്. കാസറ്റുകൾ തേടി പലരും സുനിലിന്റെ കടയിലേക്ക് ഇപ്പോഴുമെത്താറുണ്ട്. അവർക്ക് വേണ്ടി കഴിഞ്ഞു പോയൊരു കാലത്തെ ഓർമിപ്പിച്ചു കൊണ്ട് ഈ ഈണങ്ങളിങ്ങനെ ഇവിടെ മുഴങ്ങിക്കൊണ്ടേയിരിക്കും. 

 

Man who loves cassettes to listen music