135 വട്ടം ട്രാഫിക് മിയമം ലംഘിച്ച ഒരാള്; പിഴ 31,556 രൂപ, വിചിത്രം, വിഡിയോ
ട്രാഫിക് നിയമം ലംഘിക്കുക എന്നത് ഗുരുതരമായ കുറ്റമാണ്. എന്നാൽ ഹൈദരാബാദുകാരനായ കൃഷ്ണ പ്രകാശ് എന്നയാൾക്ക് ട്രാഫിക് നിയമലംഘനം ഒരു ഹോബിയാണ്. എകദേശം 135 തവണയാണ് ഇയാൾ ട്രാഫിക് നിയമം ലംഘിച്ചത്. ടിഎസ് 01 ഇഡി 9176 എന്ന ബൈക്കിലാണ് ഈ 135 പ്രാവശ്യവും നിയമ ലംഘനം നടത്തിയത്. നിയമം ലംഘിച്ചു എന്ന് മാത്രമല്ല ഇത്രയും കാലമായിട്ടും ഫൈൻ അടച്ചിട്ടുമില്ല. 2016ലായിരുന്നു അവസാനമായി ഫൈൻ അടച്ചത്.
ഒടുവില് പൊലീസ് പ്രകാശിന്റെ ബൈക്ക് കണ്ടുകെട്ടിയതോടെയാണ് സംഭവം വാര്ത്തയാകുന്നത്. ഇയാള് അടച്ച ഫൈന് തുക കേട്ടാല് ഞെട്ടും. ഏകദേശം 31,556 രൂപയായിരുന്നു ഫൈൻ ഇനത്തിൽ അടയ്ക്കാനുള്ളത്. ഹെൽമെറ്റ് ഇല്ലാതെ വാഹനമോടിച്ചതിനും വാഹനമോടിക്കുമ്പോൾ മൊബൈൽ ഫോൺ ഉപയോഗിച്ചതിനുമായിരിന്നു ഭൂരിഭാഗം ഫൈനും.