ലീഗാണ് താല്പര്യം; ജയം ഉറപ്പാണല്ലോ; രാഷ്ട്രീയ‘മോഹ’ വാര്ത്തകളില് തുമ്മാരുകുടി
രാഷ്ട്രീയത്തിൽ ചേരുന്നുവെന്ന വാർത്തകളെയും വിമര്ശനങ്ങളെയും പരിഹസിച്ച് യുഎന് പരിസ്ഥിതി സംഘടനയിലെ ദുരന്ത ലഘൂകരണ വിഭാഗം തലവനും എഴുത്തുകാരനുമായ മുരളി തുമ്മാരുകുടി. ദുരന്ത ലഘൂകരണ വിദഗ്ധൻ എന്ന നിലയിൽ എന്റെ യഥാർഥ താൽപര്യം മുസ്ലിം ലീഗിലാണ്. കാരണം ലീഗിൽ ഒരു സീറ്റ് കിട്ടിയാൽ വിജയം ഉറപ്പാണ്. ഇപ്പോൾ താൻ വയനാട്ടിലെ ദുരന്തബാധിത മേഖലകൾ സന്ദർശിക്കുകയാണ്– മുരളി തുമ്മാരുകുടി ഫെയ്സ്ബുക്കിൽ കുറിച്ചു.
‘എംടി രണ്ടാമൻ സിപിഎം സീറ്റിനുവേണ്ടി ശ്രമിച്ചു പരാജയപ്പെട്ടു എന്നാണ് ഒരു വാർത്താ റിപ്പോർട്ടിൽ പറയുന്നത്. ഇപ്പോൾ സിപിഐയും ബിജെപിയും നോക്കുന്നു. ഇനി അതും പരാജയപ്പെട്ടാൽ, അയാൾ കോൺഗ്രസിലേക്കു പോകും എന്നും റിപ്പോർട്ടുണ്ട്. ദുരന്ത ലഘൂകരണ വിദഗ്ധൻ എന്ന നിലയിൽ എന്റെ യഥാർഥ താൽപര്യം മുസ്ലിം ലീഗിലാണ്. കാരണം ലീഗിൽ ഒരു സീറ്റ് കിട്ടിയാൽ വിജയം ഉറപ്പാണ്. ഇപ്പോൾ താൻ വയനാട്ടിലെ ദുരന്തബാധിത മേഖലകൾ സന്ദർശിക്കുകയാണ്. അടുത്ത ഒരു മാസത്തേക്ക് ഈ മേഖലയിൽ തന്നെയായിരിക്കും ജോലി. അതുകൊണ്ട് രാഷ്ട്രീയ പ്രചാരണവും കണക്കുകൂട്ടലുമൊക്കെ പിന്നീടാകാം’ – തുമ്മാരുകുടി കുറിച്ചു.
തുമ്മാരുകുടി സമൂഹമാധ്യമത്തിൽ എഴുതിയ കുറിപ്പുകൾ പുസ്തകമായതോടെ എംടി രണ്ടാമൻ എന്നപേരിൽ സമൂഹമാധ്യമങ്ങളിൽ ചിലര് പരിഹാസങ്ങൾ നിറച്ചിരുന്നു. ഈ പ്രളയകാലത്ത് തുമ്മാരുകുടിയുടെ പ്രതികരണങ്ങളും കുറിപ്പുകളും വ്യാപകശ്രദ്ധ നേടുകയും ചെയ്തിരുന്നു.