എന്നെ കൂടെ കിടക്കാന് കിട്ടാനായി ആരും പിന്തുണയ്ക്കേണ്ട; സാധികയുടെ മറുപടി
സമൂഹമാധ്യമങ്ങളിൽ അശ്ലീല വർഷം ചൊരിയുന്നവർക്കെതിരെ ചുട്ടമറുപടിയുമായി നടി സാധിക വേണുഗോപാൽ. പെണ്ണിനെ കാണുമ്പോൾ നിയന്ത്രണം പോകുന്ന ചേട്ടൻമാരും അനിയന്മാരും മനസ്സിലാക്കാനായി എന്ന ആമുഖത്തോടെയാണ് മറുപടി. ചെയ്യുന്ന തൊഴിൽ അഭിനയം ആയതുകൊണ്ടും അവിടെ കഥാപാത്രങ്ങളിൽ ഉപയോഗിക്കുന്ന വസ്ത്രവും സ്വഭാവവും കണ്ടു അവളുടെ സ്വഭാവം ഇതുപോലെ ആകും എന്ന് കരുതി ഇത്തരം മെസേജ് അയക്കുന്ന സദാചാരികളോട് ഒന്ന് മാത്രം പറയുന്നു: ഈ ചിരിക്കുന്ന മുഖത്തിനു പിറകിൽ വാളെടുക്കാൻ ധൈര്യം ഉള്ള ഒരു മനസ്സും ഉണ്ട്. ഇങ്ങനെ പോകുന്നു സാധികയുടെ നിലപാട്. നടിയുടെ ചാരിറ്റി കൂട്ടായ്മയുടെ മറപിടിച്ച് അധിക്ഷേപം ഉയര്ത്തിയവര്ക്കാണ് ഫെയ്സ്ബുക്കിലൂടെ മറുപടി നല്കുന്നത്.
സാധികയുടെ കുറിപ്പ് വായിക്കാം–
എന്നെ കൂടെ കിടക്കാൻ കിട്ടാനായി, ആരും we carine support ചെയ്യുകയോ, അതിനായി ശരത്തിനെ ആരും സമീപിക്കുകയോ ചെയ്യുകയോ വേണ്ട.... ആത്മാർത്ഥതയോടെ സഹായങ്ങൾ ചെയ്യാനും ചാരിറ്റിയിൽ താല്പര്യം ഉള്ളവരും മാത്രം അതിന്റെ ഭാഗം അയാൽ മതി.
പെണ്ണിനെ കാണുമ്പോൾ കണ്ട്രോൾ പോകുന്ന ചേട്ടൻമാരും അനിയന്മാരും എന്നെ സപ്പോർട്ട് ചെയ്തു ഈ പേജിൽ ഇരുന്നു ബുധിമുട്ടണ്ടേ എന്നും വിനീതമായി എല്ലാ മര്യാദയോടും കൂടി അറിയിക്കുന്നു. നിങ്ങളുടെ ഒക്കെ 'അമ്മ പെങ്ങന്മാരൊക്കെ എങ്ങനെയാണോ പണിയെടുത്തു ജീവിക്കുന്നത് അതുപോലെ പണിയെടുത്താണ് ഞാൻ അടക്കം ഉള്ള മറ്റു സ്ത്രീകളും ജീവിക്കുന്നത്.
ചെയ്യുന്ന തൊഴിൽ അഭിനയം ആയതുകൊണ്ടും അവിടെ കഥാപാത്രങ്ങളിൽ ഉപയോഗിക്കുന്ന വസ്ത്രവും സ്വഭാവവും കണ്ടു അവളുടെ സ്വഭാവം ഇതുപോലെ ആകും എന്ന് കരുതി ഇത്തരം മെസേജ് അയക്കുന്ന സദാചാരികളോട് ഒന്ന് മാത്രം പറയുന്നു ഈ ചിരിക്കുന്ന മുഖത്തിനു പിറകിൽ വാളെടുക്കാൻ ധൈര്യം ഉള്ള ഒരു മനസ്സും ഉണ്ട്.
ഞാൻ പെണ്ണാണ് പെണ്ണായി തന്നെ ജീവിക്കും മരണം വരെ. (ഞാൻ സ്ക്രീൻഷോട്ട് നീക്കം ചെയ്തത് ആരെയും പേടിച്ചിട്ടല്ല, ഞാൻ കാരണം ഒരു പാവം പയ്യൻ പൊങ്കാല വാങ്ങണ്ടല്ലോ എന്ന് ഓർത്തിട്ടാണ്. ഫോണിൽ നിന്നൊക്കെ ഓരോരുത്തരെ വിളിച്ചു ചീത്ത പറയുമ്പോൾ ഒന്നോർക്കണം ഇത് സൈബർ കാലം ആണെന്ന്