കേരള പുരസ്കാരങ്ങള്‍ പ്രഖ്യാപിച്ചു; കേരള ജ്യോതി പുരസ്‌കാരം ടി. പത്മനാഭന്

വിവിധ മേഖലകളിൽ സമഗ്ര സംഭാവനകൾ നൽകിയ വിശിഷ്ട വ്യക്തികള്‍ക്ക് സംസ്ഥാന സർക്കാർ നൽകുന്ന പരമോന്നത പുരസ്‌കാരമായ 2023ലെ കേരള പുരസ്‌കാരങ്ങൾ പ്രഖ്യാപിച്ചു. ഈ വർഷത്തെ കേരള ജ്യോതി പുരസ്‌കാരം സാഹിത്യ മേഖലയിലെ സമഗ്ര സംഭാവനയ്ക്ക് ടി. പത്മനാഭനാണ്. സാമൂഹ്യ സേവന, സിവിൽ സർവീസ് മേഖലയിലെ സമഗ്ര സംഭാവനയ്ക്ക് ജസ്റ്റിസ് എം. ഫാത്തിമ ബീവി, കലാ മേഖലയിലെ സമഗ്ര സംഭാവനയ്ക്ക് സൂര്യ കൃഷ്ണമൂർത്തി എന്നിവർ കേരള പ്രഭ പുരസ്‌കാരത്തിന് അർഹരായി. സാമൂഹ്യ സേവന മേഖലയില്‍ പുനലൂർ സോമരാജൻ, ആരോഗ്യ മേഖലയില്‍  ഡോ. വി.പി. ഗംഗാധരൻ, വ്യവസായ-വാണിജ്യ രംഗത്ത് രവി ഡി സി, സിവിൽ സർവീസ് മേഖലയില്‍ കെ.എം. ചന്ദ്രശേഖർ, കല–സംഗീതം മേഖലയില്‍ രമേശ് നാരായൺ എന്നിവർ കേരള ശ്രീ പുരസ്‌കാരത്തിന് അർഹരായി.അടൂർ ഗോപാലകൃഷ്ണൻ അധ്യക്ഷനായ സമിതിയാണ് പുരസ്കാരങ്ങള്‍ പ്രഖ്യാപിച്ചത്