ഡോ. സിസ തോമസിന് തിരിച്ചടി; സർക്കാരിന് തുടർനടപടി സ്വീകരിക്കാം

 

സാങ്കേതിക സർവകലാശാല താൽക്കാലിക വിസി ഡോ. സിസ തോമസ് നാളെ ഉന്നത വിദ്യാഭ്യാസ അഡി. സെക്രട്ടറിക്ക് മുന്നില്‍ ഹാജരാകണം. രാവിലെ 11.30ന് ഹാജരാകാന്‍ സര്‍ക്കാര്‍ നിര്‍ദേശം. അഡ്മിനിസ്ട്രേറ്റീവ് ട്രൈബ്യൂണല്‍ വിധി അനുസരിച്ചാണ് നടപടി. സിസ തോമസിനെ കേട്ടശേഷം മാത്രം തുടര്‍നടപടിയെന്ന് മന്ത്രി ആര്‍.ബിന്ദു. അതേസമയം, ഡോ. സിസ തോമസിന് അഡ്മിനിസ്ട്രേറ്റിവ് ട്രൈബ്യൂണലിൽ നിന്ന് തിരിച്ചടി. സർക്കാർ നൽകിയ കാരണം കാണിക്കൽ നോട്ടിസ് റദ്ദാക്കണമെന്ന സിസ തോമസിന്റെ ആവശ്യം ട്രൈബ്യൂണൽ തള്ളി. സർക്കാരിന് തുടർനടപടി സ്വീകരിക്കാം. ഡോ.സിസയുടെ ഭാഗം കൂടി കേൾക്കണമെന്നും ട്രൈബ്യൂണൽ നിർദേശിച്ചു. സർക്കാരിനെ മുൻകൂറായി അറിയിക്കാതെ സാങ്കേതിക സർവകലാശാല താൽക്കാലിക വൈസ് ചാൻസലറുടെ ചുമതല ഏറ്റെടുത്തതിനെ തുടർന്നാണ് ഡോ.സിസക്ക് ഉന്നത വിദ്യാഭ്യാസ വകുപ്പ് കാരണം കാണിക്കൽ നോട്ടിസ് നൽകിയത്.

 

Dr. Ciza Thomas's Plea dismissed