ഷാനി പ്രഭാകരന്, ജയമോഹന്, അരുണ് ശ്രീധര്
2021 ലെ സംസ്ഥാന മാധ്യമ പുരസ്ക്കാരങ്ങളില് രണ്ടെണ്ണം മനോരമ ന്യൂസിന്. മികച്ച വാര്ത്താ അവതാരകയ്ക്കുള്ള പുരസ്ക്കാരം ഷാനി പ്രഭാകരന് ലഭിച്ചു. മികച്ച ടെലിവിഷന് അഭിമുഖത്തിന് ജയമോഹന് പുരസ്ക്കാരം നേടി. ചരിത്രകാരന് മനു എസ് പിള്ളയുമായി നടത്തിയ അഭിമുഖത്തിനാണ് അവാര്ഡ്. മികച്ച സ്്റ്റില്ഫോട്ടോഗ്രാഫറായി മലയാള മനോരമയിലെ അരുണ്ശ്രീധറിനെ തിരഞ്ഞെടുത്തു. ചൊവ്വാഴ്ച തിരുവനന്തപുരത്തുവെച്ച് മുഖ്യമന്ത്രി പുരസ്ക്കാരങ്ങള് വിതരണം ചെയ്യും. ഡോ.മീന ടി പിള്ള, കെ.മനോജ് കുമാര്, ടി.എം.ഹര്ഷന് എന്നിവരുള്പ്പെടുന്ന ജൂറിയാണ് പുരസ്്ക്കാരങ്ങള് തീരുമാനിച്ചത്.
‘കണ്ണിൽ അച്ഛൻ’ എന്ന ചിത്രത്തിന് മലയാള മനോരമ ഫൊട്ടോഗ്രഫർ അരുൺ ശ്രീധർ മികച്ച ഫൊട്ടോഗ്രഫർ പുരസ്കാരത്തിന് അർഹനായി. ദേശാഭിമാനി ദിനപത്രത്തിലെ വിനോദ് പായം ജനറൽ റിപ്പോർട്ടിങ്ങിനുള്ള പുരസ്കാരത്തിന് അർഹനായി. മാതൃഭൂമി ദിനപത്രത്തിലെ അനു എബ്രഹാമിനാണ് വികസനോന്മുഖ റിപ്പോർട്ടിങ്ങിനുള്ള പുരസ്കാരം. മാതൃഭൂമി ദിനപത്രത്തിലെ കെ.കെ.സന്തോഷ് ഫൊട്ടോഗ്രഫി വിഭാഗത്തിൽ അവാർഡ് പങ്കിട്ടു. കാർട്ടൂൺ വിഭാഗത്തിൽ മാതൃഭൂമി ദിനപത്രത്തിലെ കെ. ഉണ്ണികൃഷ്ണൻ പുരസ്കാരം നേടി. ദൃശ്യമാധ്യമ വിഭാഗത്തിൽ ഏഷ്യാനെറ്റ് ന്യൂസിലെ എസ്.ശ്യാംകുമാർ പുരസ്കാരത്തിന് അർഹനായി. മാതൃഭൂമി ന്യൂസിലെ എ.യു. അമൃത മികച്ച സാമൂഹ്യ ശാക്തീകരണ റിപ്പോർട്ടിനുള്ള പുരസ്കാരം നേടി. ഏഷ്യാനെറ്റ് ന്യൂസിലെ ആർ.പി.കൃഷ്ണപ്രസാദ് മികച്ച ടിവി ന്യൂസ് ക്യാമറയ്ക്കുള്ള പുരസ്കാരത്തിന് അർഹനായി. ഏഷ്യാനെറ്റ് ന്യൂസിലെ വി.വിജയകുമാർ മികച്ച ടിവി ന്യൂസ് എഡിറ്റിങ്ങിനുള്ള പുരസ്കാരം നേടി.
പുരസ്കാരങ്ങൾ ഫെബ്രുവരി 28നു വൈകിട്ട് 5.30നു തിരുവനന്തപുരം യൂണിവേഴ്സിറ്റി സെനറ്റ് ഹാളിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ വിതരണം ചെയ്യും. ആർ. പാർവതീദേവി, കെ.എം. മോഹൻദാസ്, എസ്.ആർ. സഞ്ജീവ് എന്നിവരടങ്ങിയ ജൂറിയാണ് അച്ചടി മാധ്യമ പുരസ്കാരങ്ങൾ നിർണയിച്ചത്. കൃഷ്ണ പൂജപ്പുര, വാമനപുരം മണി, എം.കെ.വിവേകാനന്ദൻ നായർ എന്നിവരായിരുന്നു കാർട്ടൂൺ വിഭാഗം ജൂറി അംഗങ്ങൾ.
Kerala State Media Awards 2021 Announced
