ബന്ദിപ്പൂരിൽ ചരക്കുലോറി ഇടിച്ച് കാട്ടാന ചരിഞ്ഞു

കർണാടകയിലെ ബന്ദിപ്പൂർ വന്യജീവി സങ്കേതത്തിൽ ചരക്കു ലോറി ഇടിച്ച് കാട്ടാന ചരിഞ്ഞു. കോഴിക്കോട്- മൈസൂർ ദേശീയ പാതയിൽ മൂലഹള്ള ചെക്ക്പോസ്റ്റിനടുത്ത് ഇന്നലെ രാത്രിയാണ് അപകടമുണ്ടായത്. ജഡം റോഡിൽ കിടന്നതോടെ ഗതാഗത തടസമുണ്ടായെങ്കിലും പുലർച്ചെ പരിഹരിച്ചു.  ബന്ദിപ്പൂരിൽ രാത്രിയാത്ര നിരോധനം നിലവിൽ വന്നതിന് ശേഷമുള്ള ആദ്യ അപകടമാണിത്. തമിഴ്നാട് റജിസ്ട്രേഷനുള്ള വാഹനം കേരളത്തിലേക്ക് വരുന്നതിനിടെയാണ് ആനയെ ഇടിച്ചതെന്ന് വനംവകുപ്പ് ഉദ്യോഗസ്ഥർ പറഞ്ഞു. 

Wild elephant killed after being hit by lorry at Bandipur reserve