പോത്തുകളെ ഇടിച്ച് വന്ദേഭാരത് ട്രെയിന് തകരാർ; ഉടമകൾക്കെതിരെ കേസെടുത്തു

കന്നുകാലികളെ ഇടിച്ചതിനെ തുടർന്ന് വന്ദേഭാരത് എക്സ്പ്രസ്സ് ട്രെയിന് തകരാർ സംഭവിച്ചതിൽ പോത്തുകളുടെ ഉടമകൾക്കെതിരെ കേസെടുത്തു. ആർപിഎഫ് ആണ് കേസെടുത്തിരിക്കുന്നത്. മുംബൈയില്‍നിന്ന് ഗാന്ധിനഗറിലേക്കു പോയ തീവണ്ടി അഹമ്മദാബാദ് സ്റ്റേഷന് സമീപം എത്തിയപ്പോഴാണ് ട്രാക്കിൽ ഉണ്ടായിരുന്ന കന്നുകാലികൂട്ടത്തെ ഇടിച്ചത്. ഇടിയിൽ ട്രെയിന് തകരാർ സംഭവിക്കുകയും നാല് പോത്തുകളുടെ ജീവൻ നഷ്ടമാവുകയും ചെയ്തിരുന്നു. റെയിൽവേ ആക്ട് സെഷൻ 147 പ്രകാരമാണ് കേസെടുത്തിരിക്കുന്നത്.

ട്രെയിന് മുന്നിലെ ഫൈബർ കവചമാണ് തകർന്നതെന്നും യന്ത്രഭാഗങ്ങള്‍ക്ക് തകരാർ സംഭവിച്ചിട്ടില്ലെന്നും അധികൃതർ വ്യക്തമാക്കി. ഇന്നലെയാണ് മുംബൈയില്‍നിന്ന് ഗാന്ധിനഗറിലേക്കു പോയ തീവണ്ടി അഹമ്മദാബാദ് സ്റ്റേഷന് സമീപം കന്നുകാലിക്കൂട്ടത്തെ ഇടിച്ചത്. 00 കിലോമീറ്റർ വേഗത്തിൽ വരുമ്പോഴാണ് വന്ദേഭാരത് എക്സ്പ്രസ്സിന് മുന്നിലേക്ക് കന്നുകാലിക്കൂട്ടം അബദ്ധത്തിൽ എത്തിയത്. ഇടിയുടെ ആഘാതത്തിൽ ട്രെയിന് മുന്നിലെ ഫൈബർ കവചം തകർന്നിരുന്നു. അതിവേഗവണ്ടികള്‍ പോകുന്ന പാളങ്ങളിലേക്ക് മൃഗങ്ങള്‍ കടക്കാതിരിക്കാന്‍ വേണ്ട നടപടികൾ സ്വീകരിക്കുമെന്ന് അധികൃതർ വ്യക്തമാക്കുന്നു.