ഇരുരാജ്യങ്ങളുടെയും പ്രതിനിധികള് ബെലാറൂസിൽ: നിർണായകം: സെലെന്സ്കി
യുക്രെയ്നില് റഷ്യന് കടന്നുകയറ്റം അഞ്ചാം നാളില്. റഷ്യ–യുക്രെയ്ന് ചര്ച്ചയ്ക്കായി ഇരുരാജ്യങ്ങളുടെയും പ്രതിനിധികള് ബെലാറൂസ് അതിര്ത്തിയിലെത്തി. അടുത്ത 24മണിക്കൂര് നിര്ണായകമെന്ന് യുക്രെയ്ന് പ്രസിഡന്റ് സെലെന്സ്കി പറഞ്ഞു. യുക്രെയ്നില് സ്ഥിതി അതീവ ഗുരുതരമായി തുടരുന്നതിനിടെ യു.എന് രക്ഷാസമിതിയുടെ അടിയന്തര പൊതുയോഗം ഇന്ന് ചേരും.
യുക്രെയ്ന് തലസ്ഥാനമായ കീവ് വളഞ്ഞ് റഷ്യന്സേന. അതേസമയം യുക്രെയ്ന്റെ ഭാഗത്തുനിന്ന് ചെറുത്തുനില്പ്പ് ശക്തമാണ്. ഹര്കീവിലും കനത്ത പോരാട്ടം നടക്കുകയാണ്. തെക്കന് തുറമുഖങ്ങള് റഷ്യ പിടിച്ചു. 240 യുക്രെയ്ന്കാര് കൊല്ലപ്പെട്ടുവെന്ന് യുഎന്. മരിച്ചതില് 16 കുട്ടികളും ഉൾപ്പെടുന്നു. 4300 റഷ്യന് സൈനികരെ വധിച്ചെന്ന് യുക്രെയ്ന്. 200പേരെ യുദ്ധതടവുകാരാക്കി.
