നൂറ് ശതമാനം ജനങ്ങൾക്കും കോവിഡ് വാക്സീൻ നൽകിയ രാജ്യത്തെ ആദ്യ നഗരം എന്ന റെക്കോർഡ് സ്വന്തമാക്കി ഒഡിഷയിലെ ഭുവനേശ്വർ. 18,16000 പേർക്ക് വാക്സീൻ നൽകിയെന്ന് അധികൃതർ പറയുന്നു. ഭുവനേശ്വർ മുൻസിപ്പിൽ കോർപ്പറേഷൻ തെക്ക്-കിഴക്കൻ സോണൽ ഡെപ്യൂട്ടി കമ്മിഷണർ അൻഷുമാൻ രാഥാണ് ഈ വാർത്ത പുറത്തുവിട്ടത്.
18 വയസിന് മുകളിൽ 9,07,000 പേരാണ് നഗരത്തിലുണ്ടായിരുന്നത്. ഇതിൽ 31,000 ആരോഗ്യപ്രവർത്തകരും, 33,000 പേർ കോവിഡ് മുൻനിര പോരാളികളുമാണ്. 5,17,000 പേരാണ് 18നും 45 വയസിനും ഇടയിൽ ഉണ്ടായിരുന്നത്. 3,20,000 പേർ 45 വയസിന് മുകളിൽ ഉള്ളവരാണ്. റിപ്പോർട്ടുകൾ പ്രകാരം 18,35,000 ഡോസ് കോവിഡ് വാക്സീൻ ജൂലൈ 30ന് മുൻപ് വിതരണം ചെയ്തിട്ടുണ്ട്. അതിഥി തൊഴിലാളികൾക്ക് അടക്കം വാക്സീൻ നൽകിയാണ് ചരിത്രനേട്ടം ഭുവനേശ്വർ സ്വന്തമാക്കിയത്. 55 വാക്സിനേഷൻ കേന്ദ്രങ്ങളാണ് ഭുവനേശ്വറിൽ ഉള്ളത്.