കലാമിന്റെ മൂത്ത സഹോദരൻ അന്തരിച്ചു; വിട വാങ്ങുന്നത് 104–ാം വയസിൽ

മുൻ രാഷ്ട്രപതി എ.പി.ജെ.അബ്ദുൽ കലാമിന്റെ മൂത്ത സഹോദരൻ എ.പി.ജെ.മുഹമ്മദ് മുത്തു മീര ലബ്ബൈ മരയ്ക്കാർ (104) അന്തരിച്ചു.  കബറടക്കം ഇന്നു രാമേശ്വരത്തു നടക്കുമെന്നു കുടുംബാംഗങ്ങൾ അറിയിച്ചു. കലാമിന്റെ പേരിലുള്ള എ.പി.ജെ.അബ്ദുൽകലാമം ഇന്റർനാഷനൽ ഫൗണ്ടേഷന്റെ ട്രസ്റ്റികളിലൊരാളായിരുന്നു. കഴിഞ്ഞ നവംബറിൽ കുടുംബാംഗങ്ങൾക്കൊപ്പം 104-ാം ജന്മദിനം ആഘോഷിച്ചിരുന്നു. 3 മക്കളുണ്ട്.