ചത്തടിഞ്ഞത് 2000 പെൻ​ഗ്വിനുകൾ; യുറു​ഗ്വെ തീരത്ത് ആശങ്ക

കിഴക്കൻ യുറു​ഗ്വേയുടെ തീരത്ത് രണ്ടായിരത്തോളം മഗല്ലനിക് പെൻഗ്വിനുകൾ ചത്തതായി റിപ്പോർട്ട്. കഴിഞ്ഞ പത്തുദിവസത്തിനിടയിലാണ് ഇത്രയും പെൻ​ഗ്വിനുകൾ ചത്തത്. എന്നാൽ പെൻ​ഗ്വിനുകൾ കൂട്ടത്തോടെ ചത്തൊടുങ്ങുന്നതിന്റെ കാരണം വ്യക്തമായിട്ടില്ല. 

അധികം പ്രായമാകാത്ത പെൻക്വിനുകളാണ് ചത്തവയിൽ അധികം. ഭക്ഷണം തേടിയിറങ്ങിയ സമയം വെള്ളത്തിൽ വീണ് ചത്തതാകാനാണ് സാധ്യതയെന്നാണ് ഒരു വിലയിരുത്തൽ. തെക്കൻ അർജന്റീനയിലാണ് ഈ പെൻ​ഗ്വിനുകൾ കൂടുകൂട്ടുന്നത്. ശൈത്യകാലമാവുമ്പോൾ ഭക്ഷണവും ചൂടുവെള്ളവും തേടി ഇവ വടക്കോട്ട് കുടിയേറും. ബ്രസീലിയൻ പ്രദേശമായ എസ്പിരിറ്റോ സാന്റോയുടെ തീരത്തേക്കും ഇവ എത്താറുണ്ട്. പലായനം ചെയ്യുന്ന സമയത്ത് പെൻ​ഗ്വിനുകൾ ചാകാറുണ്ടെങ്കിലും ഇത്ര അധികം ഇല്ലാതാകുന്നത് അപൂര്‍വമാണ്. 

മഗല്ലനിക് പെൻഗ്വിനുകൾ വ്യപകമായ ഇല്ലാതാകാൻ കാരണം അനധികൃത മത്സ്യബന്ധനമാണെന്ന ആരോപണവുമായി പരിസ്ഥിതി സ്നേഹികൾ എത്തുന്നു. ഭക്ഷണമില്ലാതെ ആയിരക്കണക്കിന് മൃഗങ്ങളാണ് പ്രതിദിനം ഇല്ലാതാകുന്നതെന്നും അവർ ചൂണ്ടികാട്ടുന്നു.